ဝက်ဆိုဒ်ကို နေ့ စဉ်လာတဲ့သူငယ်ချင်းများ အောက်ကပုံလေးကို တစ်ချက်နှိပ်ပေးခဲ့ပါ

နည်းပညာရပ်ဆိုင်ရာနဲ့ ပတ်သက်သောစာအုပ်များကို ကြိုက်နှစ်ရာ ခေါင်းစဉ်ကို နှိပ်၍ရှာပါ

Android ပြုပြင်နည်းစာအုပ်များ Autocad စာအုပ် Computerပြုပြင်ရေးနည်းလမ်းစာအုပ် Cracking နည်းပညာ Facebook နည်းပညာစာအုပ် Flash Song လုပ်နည်းစာအုပ် Miscrosof Office ဆိုင်ရာစာအုပ် Networking ဆိုင်ရာစာအုပ် Photoshop ဆိုင်ရာ စာအုပ်များ Programming ပညာရပ်များ Speaking စာအုပ်များ Wifi Hacking နည်းလမ်းစာအုပ် ခွန်အားရှိသောရသစာပေများ ချက်ပြုတ်နည်း နဲ့ မုန့် လုပ်နည်း ဂီတာတီးခတ်နည်းစာအုပ် စာစီစာရိုက်လက်ကွက်ကျင့်နည်း စာရင်းကိုင်နည်း စာအုပ် တရားစာအုပ်များ နည်းပညာ စာအုပ်များ ဖတ်စေချင်တဲ့စာအုပ်တွေ ဘာသာပြန်စာအုပ်များ မြန်မာ့သိုင်းလေ့ကျင့်နည်းစာအုပ်များ ရုပ်သံ ဗီဒီယိုတည်းဖြတ်နည်းစာအုပ် လက်ဝှေ့ ထိုးနည်းစာအုပ် သမိုင်းဆိုင်ရာ စာအုပ်များ သုတရသစာအုပ်စုံDownloadယူရန် ဟာသစာအုပ်များ အတ္ထုပ္ပတ္တိစာအုပ်များ ဥပဒေဆိုင်ရာစာအုပ် ဆေးပညာဆိုင်ရာ စာအုပ် မောင်(စွယ်စုံကျမ်း) လမ်းညွှန် နိုင်ငံရေးဖြစ်ရပ်မှန်စာအုပ်

သုတရသစာအုပ်တွေ ယူချင်ရင် အောက်က List မှာ စာရေးဆရာ နာမည်ကိုနှိပ်၍ရှာယူပါ

ဝတ္ထုတိုပေါင်ချုပ်စာအုပ်များ ကာတွန်းစာအုပ်များ ကာယဗလ လေ့ကျင့်ခန်းစာအုပ်များ ခင်ခင်ထူး ချက်ပြုတ်နည်း နဲ့ မုန့် လုပ်နည်း ချစ်စံဝင်း ချစ်ဦးညို ချစ်နိုင်(စိတ်ပညာ) ဂမ္ဘီရ၀တ္ထုများလိုချင်ရင် ဂျာနယ်ကျော်မမလေး ဂျူး စာရင်းကိုင်နည်း စာအုပ် စာပေဟောပြောပွဲများ စိမ့်(ပညာရေး) စိုက်ပျိုးနည်း စာအုပ်များ စိုးမြတ်သူဇာ စက္ကောမ ဆန်းလွင် ဆုမြတ်မွန်မွန် ညိုမြ တက္ကသိုလ်ဘုန်းနိုင် တက္ကသိုလ်စိန်တင် တက်တိုး တင်ထွေး တင်နိုင်တိုး တရားစာအုပ်များ တရားဓမ္မစာပေဆိုင်ရာများ တွတ်ပီ(ဓနုဖြူဆွေမင်း) တာရာမင်းဝေ ဒဿကျော်စွာ နည်းပညာ စာအုပ်များ နီကိုရဲ ပီမိုးနင်း ပုညခင် ဖျာပုံနဒီ ကြည်အေး ဗျူး ဘာသာပြန်စာအုပ်များ မင်းခိုက်စိုးစံ မင်းဒင် မင်းမြတ်သူရ မင်းလူ မင်းသိင်္ခ မိုးတိမ် မြတ်ခိုင် မြသန်းတင့် ရုပ်သံ ဗီဒီယိုတည်းဖြတ်နည်းစာအုပ် ရဲကောင်းထက် လက်ဝှေ့ ထိုးနည်းစာအုပ် လင်းယုန်မောင်မောင် သခင်မြတ်ဆိုင် သတိုးတေဇ သန်းဝင်းလှိုင် သမိုင်းဆိုင်ရာ စာအုပ်များ ဟာသစာအုပ်များ အတ္တကျော် အတ္ထုပ္ပတ္တိစာအုပ်များ အကြည်တော် အခြေခံကွန်ပျုတာပြုပြင်နည်း ဥပဒေဆိုင်ရာစာအုပ် ဦးကုလား ဦးခင်အောင် ဦးကျော်ဇေယျ ဦးသေားင်းလွင်(ဘီအေ) ဦးနု ကောင်းထက် ကျော်ငြိမ်း ကျော်သူ ဆေးပညာဆိုင်ရာ စာအုပ် တော်ဘုရားလေးအောင်ဇေ နေလင်း(အ.က.သ) ဖေမြင့် မောင်စိန်ဝင်း(ပုတီးကုန်း) မောင်ညိုမှိုင်း(သံလျင်) မောင်ထွန်းသူ မောင်လှမျိုး(ချင်းချောင်းခြံ) မောင်သန်းဆွေ(ထားဝယ်) မောင်ပေါ်ထွန်း မောင်သော်က အောင်ခင်စိုး အောင်ရင်ငြိမ်း နိုင်ငံရေးဖြစ်ရပ်မှန်စာအုပ်

တပင်ရွှေထီး ဘုရင့်နောင်နှင့် ဒုတိယမြန်မာနိုင်ငံတော် (အပိုင်း - 8)



ရာဇဘိသိက်ပွဲသဘင်ဆင်ယင်ခြင်းနှင့် ဂေါတမယ်အား သိမ်းပိုက်ခြင်း

သက္ကရာဇ်(၉၀၇)ခုနှစ်တွင် တပင်ရွှေထီးသည် ဟံသာဝတီနေပြည်တော်၌ တပင်တိုင်ပြသာဒ် ဆောက်တော်မူ၍ ကြီးစွာသောရာဇဘိသိက်သဘင်ကို ဆင်ယင်ကျင်းပတော်မူသည်။ ထိုရာဇဘိသိက်ပွဲတွင် သမိန်တပွတ်အမည်ရှိသည့် မကိုဋ်တော်ကြီးကို ဆင်ယင်တော်မူသည်။

ထိုမကိုဋ်မှာ မွန်ဘုရင်တို့ ထီးစဉ်နန်းရိုး သုံးစွဲခဲ့ကြသော မကိုဋ်မျိုးဖြစ်သည်။ ၎င်းဘိသိက်ပွဲသည် မြန်မာ့နည်းနှင့် မွန်တို့၏ နည်းတို့ကို ရောနှော၍ မွန်မြန်မာ စည်းလုံးညီညွှတ်ရေးအတွက် ဆင်ယင်ကျင်းပသော ဘိသိက်ပွဲကြီးဖြစ်လေရာ၊ လွန်စွာပင် စည်ကားလှသည်။

ထိုဘိသိက်ပွဲတွင် ဘုရင့်နောင်၏ ခမည်းတော်ဖြစ်သည့် မင်းရဲသီဟသူကို မင်းခမ်းမင်းနား အဆောင်အယောင် စုံလင်စွာပေး၍ ကေတုမတီဘုရင်ခံအဖြစ် ထပ်မံခန့်ထားတော်မူပြီး ဘုရင့်နောင်ကိုလည်း အိမ်ရှေ့မင်းတို့၏ အစီအရင်၊ အဆောင်အရွက် အခမ်းအနားကို ပေးသနားတော်မူ၍ အိမ်ရှေ့မင်း၏ နေရာတွင်နေစေ၏။

ထို့နောက် တစ်လအကြာတွင် ဒဂုံဆံတော်ရှင်စေတီတော် သို့ ရတနာဖောင်တော်ကိုစီး၍ စစ်အင်္ဂါလေးပါးခြံရံကာ ကြွချီဖူးမြော်တော်မူသည်။ စေတီတော်သို့ဆိုက်ရောက်လျှင် ရွှေအိုးကို ရွှေမျက်ပါးခတ်စေကာ စေတီတော်၏ ထီး၊ ချရားသီးမှစ၍ ဖိနပ်တော်သို့တိုင်အောင် ရွှေချဆက်ကပ်လှူဒါန်းတော်မူသည်။

တပင်ရွှေထီးသည် ဟံသာဝတီနေပြည်တော်တွင် အောင်ပွဲအမျိုးမျိုးဆင်ယင်ကာ မင်းတို့၏ မွေ့လျော်ခြင်းဖြင့် စံနေတော်မူစဉ် ရုပ်ဆင်းအင်္ဂါ လက္ခဏာနှင့်ပြည့်စုံ၍ လွန်စွာ အဆင်းလှပသော ဂေါတမယ်အမည်ရှိ မိန်းမငယ်၏ သတင်းကို ကြားသိတော်မူရသောအခါ ရှေ့တော်သို့ သွင်း၍ ရှုစားလေရာ အလွန်တပ်မက်ခြင်းဖြစ်တော်မူပြီး သိမ်းပိုက်တော်မူကာ မြတ်နိုးစွာဖြင့် အပါးတော်၌ မပြတ်ခစားစေသည်။

ဤနေရာတွင် မိန်မငယ် ဂေါတမယ်၏ အကြောင်းမှာ လွန်စွာထူးဆန်းလှသည့်အတွက် ရေးပြရန် လိုအပ်လာပါသည်။ ဟံသာဝတီ၌ 'မကျိုက်ကို' အမည်ရှိ မွန်သူကြွယ်တစ်ဦးရှိရာ ထိုသူကြွယ်က နွားပေါင်း (၅၀၀၀) ကျော်ကို မွေးမြူထားသည်။ ထိုနွားများထဲမှ နွားမကြီးတစ်ကောင်သည် ဇီး(ပဋိသန္ဓေ)ရှိလာပြီး အချိန်ကာလစေ့ရောက်၍ မွေးလာသောအခါတွင် နွားကို မမွေးဘဲ မိန်းမငယ်လေးတစ်ဦးကို ဖွားမြင်လေသည်။ ယင်းမိန်းကလေးငယ်မှာ အဆင်းပြင်လျာကောင်းခြင်းတို့၏ လက္ခဏာနှင့် ပြည့်စုံလှသဖြင့် အထိန်းတို့က သူကြွယ်ထံ ပို့ဆောင်ကြရာ သူကြွယ်မှာ ကလေးငယ်ကို တွေ့ရသည်နှင့် တပြိုင်နက် ရှေးရေစက်အကြောင်းရင်းပါသောကြောင့် သမီးအဖြစ်ကောက်ယူမွေးစားသည်။

ကလေးငယ်မှာ ချမ်းသာစွာဖြင့် ကြီးပြင်းလာရာ အရွယ်ရောက်လာသောအခါ ရုပ်ရည်ရူပကာဆင်းသွင် လွန်စွာလှပသဖြင့် နေပြည်တော်တွင် ကျော်စောထင်ရှားလေသည်။ ဤကား မဟာရာဇဝင်ကြီးနှင့် မှန်နန်းရာဇဝင်ပါ အဆိုအတိုင်း ပြဆိုခြင်းဖြစ်သည်။

တပင်ရွှေထီးသည် ဂေါတမယ်ကို သိမ်းပိုက်တော်မူပြီးသောအခါ အထူးအလိုလိုက်ကာ အလွန်မြတ်နိုးစွာဖြင့် ကြင်နာယုယတော်မူသည်။ ဂေါတမယ်မှာ မွန်တို့၏လက်တွင် ကြီးပြင်းလာခဲ့ရသူဖြစ်သဖြင့် မွန်တို့၏ ရိုးရာဓလေ့ထုံးစံတို့ကို များစွာနှစ်သက်ပြီး မွန်ဆင်ယင်ထုံးဖွဲ့မှုကိုလည်း လိုလားသူဖြစ်သည်။ ထို့ကြောင့် တပင်ရွှေထီးအား မွန်မင်းတို့၏ တန်ဆာကိုဆင်ယင်ကာ မွန်ဆံဖြတ်ရန် တိုက်တွန်းသဖြင့် တပင်ရွှေထီးသည် မွန်ဆံကို ဖြတ်တော်မူ၏။

ရခိုင်သို့ ချီတော်မူခြင်း

သက္ကရာဇ် (၉၀၇) ခုနှစ်တွင် ရခိုင်ပြည်၌ ရခိုင်ဘုရင် မင်းပါကြီး နတ်ရွာစံလေရာ သားတော်မဟာဥပရာဇာက ထီးနန်းကို ဆက်ခံသည်။ ထိုအခါ ရခိုင်ဘုရင်မင်းပါကြီး၏ ညီတော်ဖြစ်သည့် သံတွဲမြို့စား မင်းအောင်လှသည် တူတော်ဘုရင်နှင့် စိတ်မသင့်ဖြစ်ပြီး ရန်စစ်ပွားလေသည်။

သံတွဲမြို့စားမှာ အင်အားနည်းပါးပြီး တူတော်ဘုရင်ကို တုပြိုင်ရန်မစွမ်းသဖြင့် တပင်ရွှေထီးထံသို့ လက်ဆောင်ပဏ္ဏာများဆက်သကာ အမတ်နှစ်ယောက်ကိုစေ၍ စစ်ကူတော်မူပါမည့် အကြောင်း လျှောက်ထားသည်။
တပင်ရွှေထီးသည် သံတွဲမြို့စား၏ လျှောက်ထားတောင်းပန်ချက်ကို လက်ခံကာ ကြည်းတပ်(၄)တပ် ဖွဲ့ပြီးလျှင် တိုက်ဆင် (၁၀၀)၊ စစ်မြင်း (၁၀၀၀)၊ စစ်သည် (၄၀၀၀၀)ကို သံတွဲသို့ လျင်မြန်စွာစေလွှတ်တော်မူသည်။ ထို့နောက်တွင် ဘုရင့်နောင်ကို ရခိုင်သို့ချီရန်အတွက် ကြည်းတပ် ရေတပ်ကို စုံလင်စွာ စီစဉ်စေသည်။

ရေကြောင်းချီစစ်တပ်တွင် တပ်ပေါင်း (၁၅)တပ် ပါဝင်ပြီး တိုက်လှေကြီး (၈၀၀)၊ လှော်ကားသံလှေ (၅၀၀)၊ ရိက္ခာတင်လှေကြီး (၁၀၀)၊ စစ်သည် (၃၅၀၀၀) ဖြင့် ဖွဲ့စည်းသည်။ ထိုရေတပ်တော်ကြီးတွင် ဘုံဆယ့်တစ်ဆင့်ရှိသော ရတနာရွှေဖောင်တော်ကိုစီး၍ ဘုရင်တပင်ရွှေထီးကိုယ်တိုင် ချီတော်မူသည်။
ကြည်းကြောင်းချီတပ်တွင် တပ်ပေါင်း(၁၅)တပ် ပါဝင်သည်။ တိုက်ဆင်(၆၀၀)၊ စစ်မြင်း(၄၀၀၀)၊ စစ်သည်(၄၀၀၀၀) ပါရှိပြီး ဘုရင့်နောင်က ဦးစီးပြီးချီသည်။ ရခိုင်သို့ချီသည့် သက္ကရာဇ်မှာ (၉၀၈)ခု၊ တန်ခူးလဆန်း (၄)ရက်နေ့ဖြစ်သည်။

သံတွဲကိုစီး၍နေသော ရခိုင်ဘုရင်သည် တပင်ရွှေထီး၏ ကြည်းကြောင်း ချီတပ်နှင့် ရေကြောင်း ချီတပ်များ ချီလာပြီကို ကြားရလျှင် ရခိုင်လှေတပ်များကို မော်တင်စွန်းမှနေလျက် ဆီးကြိုကာ တိုက်စေ၏။ ထိုသို့တိုက်ရာ ရှေ့ဆုံးမှ ချီသော ဟံသာဝတီ လှေတပ်များ ရှုံးပြီး ပုသိမ်မြို့စား၊ မြောင်းမြမြို့စားနှင့် ရေတပ်ဗိုလ်မှူး နှစ်ယောက်ကို ရခိုင်တို့က ဖမ်းဆီးရရှိသည်။

ထို့နောက် မြန်မာလှေတပ်များ အစုံအညီရောက်ရှိလာပြီး အပြင်းအထန်တိုက်ခိုက်ကြသည်တွင် ရခိုင်လှေတပ်ပျက်ကာ သံတွဲသို့တိုင်အောင် ဆုတ်ပြေးကြရသည်။ ဟံသာဝတီလှေတပ်က ရခိုင်တို့၏ လှေပေါင်းများစွာနှင့် ရခိုင်ရေတပ်စစ်သည်များစွာတို့ကို ရရှိလိုက်သည်။

ရခိုင်ဘုရင်သည် ရခိုင်လှေတပ်ရှုံး၍ ပြန်လာသည်ကို ကြားသိရလျှင် အပြစ်တော်တင်လျက် ...
"ယခု ငါတို့က ကြည်းတပ် ရေတပ် အစုံအညီဖြင့် တိုက်ခိုက်နိုင်လိမ့်မည်မဟုတ်" ဟု မိန့်တော်မူပြီးလျှင် သံတွဲမှခုခံရန် ရေအား ကြည်းအားကို စုရုံး၍နေပြန်၏။
ထိုစဉ် ဘုရင့်နောင်၏ ကြည်းကြောင်းချီတပ်ကြီးက သံတွဲအနီးသို့ ရောက်ရှိလာသည်။ ထို့အတူ တပင်ရွှေထီး၏ ရေကြောင်းချီတပ်ကြီးကလည်း ဘုရင့်နောင်၏တပ်များနှင့် မရှေးမနှောင်း ဆိုက်ရောက်လာလေရာ ကြီးမားလှသော မြန်မာတို့၏ ကြည်းတပ်၊ ရေတပ်ကို မြင်ကာ ရခိုင်ဘုရင်မှာ လွန်စွာထိတ်လန့်ခြင်းဖြစ်ရပြီး "ငါတို့သံတွဲမြို့ကို မြန်မာရေတပ်၊ ကြည်းတပ်၊ နှစ်ဘက်ညှပ်မိလျှင် ငါတို့ အထွက်ရခက်လိမ့်မည်။ အမြန်ဆုတ်မှ သင့်ချေမည်" ဟု မိန့်တော်မူကာ သံတွဲမှ မြို့ဟောင်းသို့တိုင်အောင် အလျင်အမြန် ဆုတ်ခွာသည်။
ထို့ကြောင့် တပင်ရွှေထီးသည် သံတွဲကို အလွယ်တကူ သိမ်းယူတော်မူပြီး ရေတပ်၊ ကြည်းတပ် အစုံအညီနှင့် သံတွဲမြို့မှာပင် တပ်စခန်းချရပ်၍ နေတော်မူ၏။
ထို့နောက် သံတွဲတွင် သံတွဲမြို့စားမင်းအောင်လှနှင့် သံလျင်မြို့စား နန္ဒကျော်ထင်တို့ကို မြို့စောင့်ထားခဲ့ကာ ရခိုင်ဘုရင်ရှိရာ မြို့ဟောင်းသို့ ဆက်လက်ချီတက်သည်။ ထိုသို့ချီရာတွင် မြို့ဟောင်းသို့မရောက်မီ (၂)စခန်းအလိုတွင် ရခိုင်တပ်များမှ ဆီးကြို၍ တိုက်ခိုက်ရာ စစ်ပွဲမှာ ပြင်းထန်သည်။

နှစ်ဖက်တပ်များ ရေတပ် ရေတပ်ချင်း၊ ကြည်းတပ် ကြည်းတပ်ချင်း အကြောက်အရွံ့မရှိ ရွပ်ရွပ်ချွံချွံ တိုက်ခိုက်ကြသည်။ ဤစစ်ပွဲတွင် ရခိုင်တပ်က စိန်ပြောင်းမြတပူတို့ကို အပြင်းပစ်လွှတ်ရာ ဟံသာဝတီတပ်မှူးတစ်ဦးဖြစ်သည့် လင်းပတေ့စား သရေစည်သူမှာ ကျည်သင့်၍ ကျဆုံးရသည်။
ဟံသာဝတီတပ်များက ဆက်လက်၍ အပြင်းတိုက်ရာတွင် ရခိုင်တပ်များ မခံနိုင်ဖြစ်ကာ ရခိုင်ကြည်းတပ်ပျက်ပြီး ရခိုင်ရေတပ်များလည်း မြို့ဟောင်းသို့ ပြန်ဆုတ်ရသည်။ ထိုစစ်ပွဲတွင် ဟံသာဝတီတပ်က ဆင်၊ မြင်း၊ လက်နက်များနှင့် သုံ့ပန်းများစွာကို ရရှိလိုက်သည်။

ဟံသာဝတီတပ်များသည် မြို့ဟောင်းသို့ချီကာ မြို့တော်ကို ဝိုင်းရံထားသည်။ မြို့တော်မှာ တောင်ထိပ်တွင်တည်ရှိပြီး မြို့ရိုးကို အခိုင်အခံ့ တည်ဆောက်ထားသည်။ ကျုံးမြောင်းကျယ်၍ လက်နက်တို့က ထူထပ်သည်။ ဟံသာဝတီတပ်များက မြို့ကို အတင်းတက်သော်လည်း မရရှိ။ ဘုရင့်နောင်က ရံတပ်တွင် သစ်မြို့စိုက်စေကာ ပြလက်ရန်းဆောက်စေပြီး ထိုနေရာမှနေ၍ မြို့တွင်းသို့ အမြောက်စိန်ပြောင်းတို့ကို နေ့စဉ်ရက်ဆက် ပစ်လွှတ်စေသည်။
ထိုအခါ ရခိုင်မင်းမှာ စိုးရွံ့လာပြီး လက်ဆောင်ပဏ္ဏာများဖြင့် အမတ်နှစ်ယောက်ကို တပင်ရွှေထီးထံ စေလွှတ်သည်။ တပင်ရွှေထီးက ...
"သံတွဲစားကို ငါစောင်မ၍ ရခိုင်ပြည်မှာ နန်းတင်မည်ဟု အမိန့်ရှိပြီးဖြစ်သည်။ အရေးမပေးသာသေး။ ရခိုင်ပြည်အလုံးကို လက်ရသိမ်းကျုံးတော်မူရမှ ယခုအရေးပြီးလိမ့်မည်" ဟု မိန့်တော်မူပြီး၊ အမတ်နှစ်ယောက်အား မိမိတပ်တော်၏ စစ်သည်ဗိုလ်ပါအင်အားကို ကြည့်ရှုစေကာ ပြန်လွှတ်သည်။

ရခိုင်ဘုရင်သည် ဟံသာဝတီတပ်တို့၏ အင်အားကြီးမားကြောင်း သိရှိလျှင် ပို၍စိုးရိမ်လာကာ ရခိုင်ဆရာတော်လေးပါးကို နန်းတော်သို့ပင့်၍ စစ်ရေးပြီးပြေရန် ဆောင်ရွက်ပေးပါမည့် အကြောင်း လျှောက်ထားပြီး၊ လူတစ်ထောင်ကျော် သယ်ဆောင်ရသော လက်ဆောင်ပဏ္ဏာတော်များစွာနှင့် တပင်ရွှေထီးထံ စေလွှတ်လိုက်ပြန်သည်။
တပင်ရွှေထီးသည် ကြွရောက်လာသော ရခိုင်ဆရာတော်များအား အကြောင်းကိစ္စကို မေးမြန်းရာ ဆရာတော်များက "ငါတို့မှာ တကာတော်အားပြောကြားရန် အကြောင်း (၅)ချက် ရှိသည့်အတွက် လာခဲ့ရခြင်းဖြစ်သည်" ဟု မိန့်ကြားသည်။

တပင်ရွှေထီးက ထိုအကြောင်း (၅)ချက်ကို မေးလျှောက်ရာတွင် ဆရာတော်များက "တစ်အချက်မှာ ခမည်းတော်နတ်ရွာစံလျှင် သားတော်သည် နန်းမွေကို ဆက်ခံမြဲဖြစ်သည်။ ယခု ညီတော်သံတွဲစားကို နန်းတင်မည်ဆိုပါက ထုံးစံဖျက်ခြင်းမည်လိမ့်မည်။ နှစ်အချက်မှာ ရခိုင်ပြည်ကြီးသည် စစ်သည်ဗိုလ်ပါ အင်အားများသည်၊ အလွယ်တကူလုပ်ကြံ၍ အောင်မြင်မည် မဟုတ်။ ရက်ကြာရှည်လျှင် ရခိုင်ဘုရင်နှင့် မြုံဘုရင်သည် သမီးယောက်ဖဖြစ်၍ မြုံဘုရင် အလုံးအရင်းနှင့် ချီတက်လာပါလျှင် တကာတော် စစ်နှစ်ဖက်ညှပ်၍ မနေပါလော။ သုံးအချက်မှာ တကာတော်မှာ ဘုန်းကြီးသောမင်းဖြစ်၍ အပြည်ပြည်ကို ရသည်မှာ မကြာသေးချေ။ အကယ်၍ တကာတော်မင်းမြတ် ရခိုင်သို့ချီကြောင်းကြားလျှင် ရှမ်းတို့က တကာတော်၏ နေပြည်တော်ကို ထိပါးနှောက်ယှက်လာချေက တကာတော်အနေဖြင့် ရုတ်တရက်ပြန်ရောက်ရန် ခဲယဉ်းမည် မဟုတ်ပါလော။ လေးအချက်မှာ ရခိုင်ပြည်သည် ဝါဆိုဝါခေါင်ရောက်လျှင် လမ်းခရီးတို့သည် ရေလေပြင်းထန်သဖြင့် တကာတော်ပြန်ရန် ခဲယဉ်းလိမ့်မည်။ ထို့အတွက် တကာတော်အနေဖြင့် စဉ်းစားရန်မသင့်ပါလော။ ငါးအချက်မှာ သံတွဲမြို့စား၏ ဆင်၊ မြင်း၊ သူရဲတို့အား ရခိုင်ဘုရင် သိမ်းယူထားသည်ကို ပြန်လည်ပေးအပ်ပြီး၊ သင့်တင့်ညီညွှတ်စွာနေစေလျှင် တကာတော် အကြောင်းကိစ္စပေါ်ပေါက်လာပါက တူဝရီးတို့မှ အမှုတော်ကို ကြိုးပမ်းထမ်းရွက်မည် မဟုတ်ပါလော။ ဤအရေးငါးချက်ကိုမြင်၍ လာရခြင်းဖြစ်ပေသည်" ဟု မိန့်ဆိုကြလေ၏။

တပင်ရွှေထီးသည် ရခိုင်ဆရာတော်လေးပါး အရေးတောင်းလာခြင်းကိစ္စနှင့်ပတ်သက်၍ မှူးတော်မတ်တော်များကိုခေါ်၍ တိုင်ပင်လေရာ မှူးတော်မတ်တော်များက မိမိတို့ထင်မြင်ချက်ကို အသီးသီးလျှောက်တင်ကြသည်။ ဘုရင့်နောင်က ...
"ရခိုင်ဘုရင်၏ဆရာတော်များ အရေးတောင်းသည်ကို ကျွန်တော်မျိုးတို့က အလွယ်တကူအရေးပေးချေသော် ငါကိုယ်တော် မ၍ သူကောင်းပြုမည်ဟူသော အမိန့်တော်မပျက်ချေပြီလော။ ယခုလည်း လုပ်ရည်ကြံရည်ကိုမြင်၍ ကြောက်ရွံ့သောကြောင့် အရေးတော်တောင်းလာခြင်းဖြစ်ပါသည်။ သို့သော် ရခိုင်ဘုရင်၏ညီတော် စည်းစိမ်ချမ်းသာမပျက် ရှိမည်နှင့် သားဘထွေးနှစ်ဦးမှ အမှုတော်ကို ထမ်းရွက်မည် လျှောက်သောစကားသာဖြစ်သည်။ သို့ဖြစ်သောကြောင့် ဆင်ကောင်း၊ မြင်းကောင်းတို့ကို အလျင်ထွက်လာစေ၍ ရခိုင်ဘုရင်ညီကို အပ်တော်မူပြီးလျှင် မင်းဆောင်မင်းယောင် အစီးအနင်းနှင့်တကွ သံတွဲစသော တောင်စဉ်ခုနှစ်ခရိုင် တို့ကို ပေးတော်မူရမည်။ ယင်းသို့သနားတော်မူသည်ဖြစ်မှ ငါကိုယ်တော် မ၍ သူကောင်းပြုမည်အမိန့်တော်ရှိသည့်အတိုင်း တည်စိမ့်မည်ဖြစ်ပါသည်" ဟု လျှောက်ကြားသည်။

တပင်ရွှေထီးသည် ဘုရင့်နောင်လျှောက်ကြားချက်ကို နှစ်သက်သည်ဖြစ်၍ အရေးတော်ကို ဆိုင်းငံ့ထားလိုက်သည်။ နောက်သုံးရက်ခန့်ကြာသောအခါ တပင်ရွှေထီးထံသို့ ရခိုင်ဘုရင် ဆရာတော်လေးပါး ကြွလာတော်မူပြန်သည်။ တပင်ရွှေထီးက ရခိုင်ဆရာတော်များအား ...
"သားဘထွေးနှစ်ဦး အမှုတော်ကိုထမ်းမည်ဆိုလျှင် ရခိုင်ဘုရင်၏ စည်းစိမ်ချမ်းသာကို မဖျက်ပြီ။ ယင်းသို့မှန်ပါလျှင် ရခိုင်မြို့တွင်ရှိသော ဆင်ကောင်းနှစ်စီးနှင့် ရခိုင်သို့ရောက်လေသော မွန်၊ ဗမာ၊ ရှမ်း၊ ကျွန်တော်မျိုးတို့ကို စစ်ကြော၍ ကုန်စင်အောင် ဆက်လာစေပါ။ ထို့နောက် ဘုရင့်ညီတော် သံတွဲစား၏ ကျေးကျွန်၊ ဆင်မြင်း၊ ဥစ္စာရွှေငွေတို့ကို မကျန်ရအောင် ဆက်လာစေပါ။ ရခိုင်ဘုရင်ညီကိုလည်း သံတွဲနှင့်တကွ ငါပေးတော်မူမည်" ဟု မိန့်တော်မူသည်။

ဆရာတော်ပြန်ကြွလာ၍ တပင်ရွှေထီး၏ သဘောထားကို ရခိုင်ဘုရင် ကြားရသောအခါ လက်ခံသည့်အတွက် တပင်ရွှေထီး ဟံသာဝတီကို တိုက်စဉ်က ရခိုင်သို့ ပြေးဝင်ခိုလှုံခဲ့ကြသော မွန်အမတ် ပြတ္ထပနှင့် သမိန်စည်သူ၊ မွန်၊ ဗမာ၊ ရှမ်း (၅၀၀၀)ကျော်၊ ဆင်ကောင်း(၂)စီးနှင့် လက်ဆောင်ပဏ္ဏာတော်များကို တပင်ရွှေထီးထံ ဆက်သစေသည်။ သံတွဲမြို့စား၏ ဆင်၊ မြင်း၊ ကျေးကျွန်များကိုလည်း ဆက်သသည်။ တပင်ရွှေထီးကလည်း စစ်ပွဲတွင်ရရှိထားသော ရခိုင်စစ်သည်အားလုံးကို ရခိုင်ဘုရင်ထံပြန်ပေးသည်။ ဘုရင့်နောင်ကိုလည်း ရခိုင်မြို့တော်တွင်းသို့ ဝင်စေကာ ရခိုင်ဘုရင့်နန်းတော်တွင် အမိန့်တော်ကို ပြန်စေသည်။
အမိန့်တော်မှာ ဤသို့ဖြစ်သည်။
"ဘုန်းတော်အလွန်ကြီးမြတ်တော်မူလှသော ရေမြေ့သခင် ဘဝရှင်မင်းတရား အမိန့်တော်ရှိသည်။ ရခိုင်တွင် အစဉ် အဘ မရှိလျှင် သားမင်းပြုသည့်ထုံးစံရှိသည်။ သို့ရှိသည့်ထုံးစံကို ငါဖျက်တော်မမူပြီ။ ရခိုင်ဘုရင် ဘထွေးသံတွဲစားကို မင်းမြှောက်တန်ဆာငါးပါးနှင့်တကွ တောင်စဉ်ခုနှစ်ခရိုင် ကို ပေးတော်မူသည်။ နောက်နောင်အမှုတော်တောင်းလျှင် သားဘထွေးနှစ်ဦးတို့ ငါ့အမှုတော်ကို ကြိုးစားအားထုတ်ထမ်းရွက်ကြရမည်။ သားဘထွေးနှစ်ဦးတွင် အမှုအခင်းထွက်လျှင်လည်း ငါ မစတော်မူမည်။ သားဘထွေးနှစ်ဦးတို့ ကြည်သာစွာ ပြည်ရွာသာယာစေအပ်သော အပရိဟာနိယတရားခုနှစ်ပါးကို နှလုံးသွင်း၍ မင်းကျင့်တရားဆယ်ပါးနှင့်ညီစွာ မင်းပြုကုန်ဟု အမိန့်တော်ရှိလိုက်သည်"

ရခိုင်ဘုရင်ကလည်း တပင်ရွှေထီး၏ အမိန့်တော်ပြန်တမ်းကို ကြားနာပြီးနောက် အမိန့်တော်အတိုင်း တည်ကြည်စွာ လိုက်နာကျင့်ဆောင်မှုပြုပါမည်ဟု ကတိပေးလျှောက်ထားသည်။ ရခိုင်ဘုရင်က ဘုရင့်နောင်အား ဦးရီးတော်ဟုခေါ်၍ ဘုရင့်နောင်ကလည်း ရခိုင်ဘုရင်ကို တူတော်ဟု ခေါ်ဝေါ်သုံးနှုန်းသည်။ ရခိုင်ဘုရင်သည် ဘုရင့်နောင်အား ဆင်ပေါက် (၂)စီး၊ မြင်း (၂)စီး၊ ပုဆိုး၊ ခါသာ၊ အုပ်မျိုးထည်မျိုး၊ ရွှေ(၂)ပိဿာ၊ ငွေ(၂၅)ပိဿာကို ဆက်သပြီးလျှင် "နောင်တွင် ဦးရီးတော် မင်းဖြစ်တော်မူပါလျှင် တူတော်မောင်ကို မစပါ၊ ဦးရီးတော်တွင် အမှုအခင်း ရှိလာပါလျှင်လည်း တူတော်မောင်မှ ကူညီပါမည်" ဟု ဆိုသည်။

ထို့ကြောင့်ပင် တပင်ရွှေထီး နတ်ရွာစံတော်မူပြီးသည့်နောက် ဘုရင့်နောင် မင်းအဖြစ်သို့ ရောက်တော်မူသည့်အခါ လက်ရုံးတော်ကိုချဲ့ရာ၌ အင်းဝ၊ ယိုးဒယား၊ ဇင်းမယ်၊ မဏိပူရ စသည့် နိုင်ငံအားလုံးကို သိမ်းယူတော်မူခဲ့သော်လည်း ရခိုင်ကိုကား သိမ်းယူခြင်းမပြုပဲ ချန်လှပ်ထားခဲ့သည်။ ထိုသို့ ရခိုင်ကို သိမ်းယူနိုင်ပါလျက် မသိမ်းခဲ့ခြင်းအကြောင်းကို မဟာရာဇဝင်ကြီး (ဒု-၂၂၁)တွင် ဤသို့ပြဆိုထားခဲ့၏။

ရခိုင်ဘုရင်က ဤသို့ဆိုသည်။ "နောင်တော် ဦးရီးတော် မင်းဖြစ်တော်မူလျှင် တူတော်ကို မစပါ။ ဦးရီးတော်တွင် အမှုအခင်းရှိလျှင်လည်း တူတော် ကူညီပါမည်ဟုဆိုလျှင် ဘုရင့်နောင်ကလည်း အချက်အတိုင်းမှန်စေတော့ဟူ၍ မိန့်တော်မူသည်။ သို့ကြောင့်ပင် ဘုရင့်နောင် မင်းဖြစ်တော်မူလျှင် ရခိုင်ကို လုပ်ကြံတော်မမူ"
ရခိုင်ဘုရင်သည် မြန်မာဘုရင် တပင်ရွှေထီးထံသို့လည်း မြင်းကောင်း(၂)စီး၊ ကတ္တီပါ၊ မည်သရီ ထည်မျိုးလိပ်မျိုး၊ အမွှေးနံ့သာ၊ ဘယဆေးမျိုးပေါင်းများစွာအား လူ(၁၀၀၀)ကျော်ကို ကိုင်စေ၍ ပို့ဆက်သည်။ တပင်ရွှေထီးကလည်း ရခိုင်ဘုရင် အလိုရှိသည့်အတိုင်း ရခိုင်ဘုရင်အား ဇလာကပင်လှေတော်ကြီး (၂)စင်းကို ပေးသည်။

ထို့နောက် သက္ကရာဇ်(၉၀၈)ခု၊ တပို့တွဲလဆန်း(၁၂)ရက်နေ့တွင် တပင်ရွှေထီးသည် တပ်တော်များနှင့်အတူ ဟံသာဝတီသို့ ပြန်လည်ချီတော်မူသည်။ သံတွဲသို့ရောက်လျှင် သံတွဲစားအား ကျေးကျွန်၊ ဆင်၊ မြင်းများ အပ်ကား တောင်စဉ်ခုနှစ်ခရိုင်ကို ပေးတော်မူသည်။ သို့ဖြင့် တပင်ရွှေထီးသည် သက္ကရာဇ် (၉၀၈)ခု၊ တန်ခူးလဆန်း(၅)ရက်နေ့တွင် ဟံသာဝတီနေပြည်တော်ကို ရောက်ရှိတော်မူသည်။

ယိုးဒယားမှ ကျူးကျော်ထိပါးလာခြင်း

တပင်ရွှေထီး ရခိုင်သို့ ရေကြောင်း၊ ကြည်းကြောင်းဖြင့်ချီစဉ်တွင် ယိုးဒယားဘုရင် ဗြသာဓိရာဇာ (မဟာချက္ကရဖတ်)သည် မြန်မာပိုင် ထားဝယ်နှင့်ရေးတို့ကို ရန်စကျူးကျော်ရန် စီစဉ်သည်။ မကြာမီ သမိန်ကန်ပူရီနှင့် သမိန်တဒေါကအမည်ရှိ စစ်မှူးနှစ်ဦးကို တိုက်ဆင်(၂၀၀)၊ စစ်မြင်း(၁၀၀၀)၊ စစ်သည်(၆၀၀၀၀)ဖြင့် ထားဝယ်ကို လုပ်ကြံရန်စေလွှတ်သည်။ ထားဝယ်မြို့စားသည် ယိုးဒယားတပ်၏ ကြီးမားလှသည့်အင်အားကို မခံနိုင်သဖြင့် ရေးသို့ ဆုတ်ခွာခဲ့ကာတပ်ပေါင်းပြီး ကြံ့ကြံ့ခံသည်။ ထိုအကြောင်းကို မော်လမြိုင်မြို့စား ဗညားဦးက ဟံသာဝတီသို့ သံတော်ဦးတင်လွှာပို့ဆက်သည်။

ယိုးဒယားတို့မှ မြန်မာပိုင်နယ်ကို ရန်စကျူးကျော်လာသည့်အကြောင်း တပင်ရွှေထီး ကြားသိတော်မူလျှင် မှူးမတ်သေနာပတိတို့ကို ခေါ်ယူတော်မူပြီးလျှင် . . .
''ယိုးဒယားဘုရင်သည် ငါ့ကို စတင်ထိပါးလာပြီ။ သို့အတွက် ခြင်္သေ့၏ရွှေဂူအနီးသို့ ယုန်သူငယ်လာရောက်သလို ဖြစ်ရှာတော့မည်။ ယခုအခါ ရခိုင်မှ ပြန်လည်၍ရောက်စအချိန်ဖြစ်၍ ငါကိုယ်တော်တိုင်ချီတက်ရန် အရေးမဟုတ်သေး။ မုတ္တမမြို့စား စောလကွန်းအိမ်က ရေတပ်ကို အုပ်ချုပ်လျက် ထားဝယ်သို့ ချီတက်စေ၊ နောင်မကြာမီတွင် ငါကိုယ်တော်တိုင် ချီတော်မူပြီး၊ ငါ့နိုင်ငံကို ရန်စထိပါးလာသော ယိုးဒယားကို သိမ်းယူတော်မူမည်" ဟု အမိန့်တော်ရှိသည်။
အမိန့်တော်အတိုင်း ရေတပ်၌ တိုက်လှေကြီး(၁၀၀)၊ တိုက်လှေငယ်(၃၀၀)၊ စစ်သည်(၄၀၀၀၀) ပါဝင်လျက် မုတ္တမမြို့စား စောလကွန်းအိမ် ဦးစီးကာချီတက်သည်။
ကြည်းတပ်၌ တပ်ပေါင်း(၈)တပ်၊ တိုက်ဆင်(၂၀၀)၊ စစ်မြင်း(၂၀၀၀)၊ စစ်သည်(၈၀၀၀၀) ဖြင့် မော်လမြိုင်မြို့စား ဗညားဦးမှ အုပ်ချုပ်ကာချီတက်သည်။ မြန်မာဘုရင် တပင်ရွှေထီး၏ ဟံသာဝတီတပ်တော်များ ရေတပ်၊ ကြည်းတပ် နှစ်ဖက်ညှပ်၍ အားကြီးအင်ကြီးဖြင့် ချီလာပြီကို ယိုးဒယားတို့ကြားလျှင် ထားဝယ်မှခံရန် မဝံ့သည်နှင့် ထားဝယ်မှခွာကာ တနင်္သာရီမြို့မှ ရပ်တန့်ကာ ခုခံကြလေသည်။

မြန်မာတို့သည် ထားဝယ်သို့ရောက်လျှင် ယိုးဒယားတို့နှင့်တိုက်ခိုက်ရခြင်းမရှိဘဲ ထားဝယ်ကို အလွယ်တကူပင် သိမ်းယူရရှိလိုက်ကြသည်။ ဆက်၍ ယိုးဒယားတို့ရှိရာ တနင်္သာရီသို့ချီရာ တောင်ပပုံတွင်နေသော သမိန်ကံပူရီသည် ဆင်၊ မြင်း အလုံးအရင်းနှင့် မြို့ကထွက်၍ ခုခံလာသည်။ ထိုစဉ် ရေးမြို့စား မင်းရဲသင်္ခယာက ဆင်စီး၍ သမိန်ကံပူရီကို တိုက်သည်။ အတန်ကြာတိုက်ကြလျှင် သမိန်ကံပူရီ စီးသောဆင် မျက်နှာသုန်၍ ပြေးလေ၏။

ဤတွင် မင်းရဲသင်္ခယာက နောက်မှအတင်းလိုက်၍ တိုက်ပြန်သည်။ မီလျှင် မင်းရဲသင်္ခယာက လှံနှင့်ထိုးရာ သမိန်ကံပူရီကို လှံထိ၍ဒဏ်ရာရသည်။ စီးသောဆင်ကိုလည်း လှံချက်များကျသဖြင့် ဟောင်ဟောင်ကျည်ကျည်မြည်၍ ပြေးသည်။ သမိန်ကံပူရီသည် ဆင်မှသည် မြင်းစီး၍ ပြေးလေသောကြောင့် လွတ်လေ၏။ စီးသည့်ဆင်ကိုမူရရှိလိုက်သည်။

ထို့အတူ ယိုးဒယားအမတ် အောက်ဗြလကွန်းအိမ်မာမှ ဆင်နှင့်ခံလာသည်ကို တပင်ရွှေထီး၏ကျွန် သမိန်သံလိုက်က ဆင်ကို ချွန်းဖွင့်၍တိုက်သည်။ သမိန်သံလိုက်စီးသောဆင် မုန်နှင့်ဖြစ်၍ မုန်နံ့ကိုရလျှင် အောက်ဗြလကွန်းအိမ်မာဆင် မျက်နှာသုန်၍ ပြေးသည်။ ထပ်ချပ်မကွာလိုက်၍တိုက်ရာ အောက်ဗြလကွန်းအိမ်မာကို ရသည်။ ယိုးဒယားတပ်တို့လည်း ဟံသာဝတီတပ်များနှင့် မယှဉ်နိုင်ဘဲ တပ်ပျက်ကာ တပ်ပျက်ကာပြေးကြရ၏။ ထိုစစ်ပွဲတွင် မြန်မာတို့က ဆင်၊ မြင်း၊ သုံ့ပန်း အများအပြားရရှိလိုက်သည်။ ဘုရင်တပင်ရွှေထီးက တပ်များကို ပြန်လည်ခေါ်ယူသဖြင့် ဟံသာဝတီသို့ ပြန်ကြရသည်။ ဟံသာဝတီသို့ရောက်လျှင် ယိုဒယားတို့ကို အောင်မြင်သည့်အတွက် တပင်ရွှေထီးက အောင်ပွဲရသူများကို မြို့စား၊ ရွာစားမှစ၍ ဘွဲ့မည်ထူးများကို သနားတော်မူသည်။


မြန်မာနှင့်ယိုးဒယားတို့၏တိုက်ပွဲ

တနေ့တွင် တပင်ရွှေထီးသည် မှူးမတ်သေနာပတိအပေါင်းတို့ကို ခေါ်ယူတော်မူပြီးလျှင် ယိုးဒယားကို ချီတက်တိုက်ခိုက်ရန်အတွက် တိုင်ပင်တော်မူသည်။
တပင်ရွှေထီးက ...
"ယိုဒယားဘုရင် ဗြသာဓိရာဇာသည် ငါ၏နိုင်ငံတော်အစွန်အဖျားကို စတင်၍ထိပါးလာပြီ။ ငါ၏ဘုန်းတော်ကြောင့်သာလျှင် ယိုးဒယားများကို နိုင်နင်းသည်။ ယခုအတိုင်း ငြိမ်ခံနေပါလျှင် နောင်တစ်ဖန် ထပ်မံ၍ ယိုဒယားများထိပါးလာမည့်အရေးကို မြင်တော်မူမိသည်။ သို့ဖြစ်၍ ယိုးဒယားပြည်ကို ရွှေလက်တော်ရောက် သိမ်းပိုက်မှသင့်မည်မဟုတ်လော" ဟု မိန့်တော်မူရာ မှူးမတ်တို့က
"သိမ်းပိုက်ရန် သင့်မြတ်လှပါသည်။ ယိုးဒယားပြည်သည် အရှင်စိုးပိုင်တော်မူသော နိုင်ငံတော်နှင့် ရေမြေတစ်စပ်တည်းရှိ၍နေသောကြောင့် ချီတော်မူရန်လည်း ခဲံယဉ်းမည်မဟုတ်ပါ။ တောအထပ်ထပ် တောင်အထပ်ထပ် ပိတ်ဆီးနေပါသော်လည်း အင်ကြီးအားကြီးနှင့် ချီတော်မူပါလျှင် အရေးထားလောက်မည်မဟုတ်ပါ" ဟု လျှောက်တင်ကြသည်။

ဘုရင့်နောင်ကလည်း ...
"ရှေးမြန်မာရာဇဝင်အစဉ်အဆက်များမှာလည်း ယိုးဒယားသို့ မြန်မာမင်းတို့ကိုယ်တော်တိုင် ချီတက်တိုက်ခိုက်ခဲ့သည်ဟူ၍ မကြားဘူးပါ။ မြန်မာနိုင်ငံ၏ အောင်လံအောက်သို့ ယိုးဒယားနိုင်ငံ ရောက်ဖူးသည်ဟု မကြားဘူးပါ။ ယခုအခါ ရွှေဘုန်းတော်ထူးချွန်၍ သာလွန်သော ဧကရာဇ်ဘုရင်ဖြစ်တော်မူရန်မှာ လွန်စွာပင် သင့်လျော်နေပါပြီ။ နောင်လာအစဉ်ရာဇာဝင်မှာလည်း ထင်ရှားရန်အချက်ဖြစ်ပါသည်။ ယိုးဒယားသို့ ချီတော်မူရန်အရေးမှာ ဗိုလ်ပါ၊ ဆင်၊ မြင်းအတွက် ခက်ခဲရန်အကြောင်း မရှိပါ။ အလိုရှိတိုင်း ပြည့်စုံနိုင်ပါသည်။ သို့သော် ဗိုလ်ပါ၊ ဆင်၊ မြင်းအများတို့ သုံးစားရန် ရိက္ခာအတွက် စိုးရိမ်ရန်ရှိပါသည်။ ယိုးဒယားသို့ချီရန် ချောင်းမြောင်းအတန်တန်၊ တောတောင်အထပ်ထပ် ပိတ်ဆီးလျက်ရှိနေပါသောကြောင့် စားရေရိက္ခာပြည့်စုံရန်မှာ အလွန်အရေးကြီးလှပါသည်။
သို့ဖြစ်ပါ၍ ချီတော်မမူမီတွင် ကြိုတင်၍ရိက္ခာများကို နယ်စပ်သို့ အလုံအလောက်ပို့ထားရန် သင့်လျော်ပါမည်။ မြို့စား၊ ရွာစားများကိုလည်း စစ်ရိက္ခာအတွက်အရေးကြီးစွာ စုဆောင်းကြရန် အမိန့်တော် ချမှတ်သင့်ပါသည်" ဟု လျှောက်ထားသည်။

ထိုသို့လျှောက်တင်ကြသောစကားများကို ကြားတော်မူရသောအခါ တပင်ရွှေထီးသည် နှစ်သက်လက်ခံတော်မူပြီး အရပ်ရပ်ပြည့်စုံအောင်ဆောင်ရွက်ရန် ဘုရင့်နောင်ကို တာဝန်ပေးအပ်တော်မူသည်။

ဘုရင့်နောင်သည် ရဲစွမ်းသတ္တိနှင့် ပြည့်စုံသည့် စစ်သည်ကောင်းများကို ရွေးချယ်ပြီးလျှင် တပ်ပေါင်း(၂၅)တပ်ကို ဖွဲ့သည်။ ယင်းတို့မှာ ရှေ့တော်ကချီရန် တပ်ပေါင်း(၁၂)တပ

Credit - Tin Maung Hlaing


ဖုန်းထဲကနေ ဆော့ဝဲတွေ အလွယ်တကူ ဒေါင်းလုပ်ယူချင်ရင် ဒီဆော့ဝဲထည့်ပါ

Mssk.apk- http://www16.zippyshare.com/v/57588065/file.html
Mssk.apk- https://play.google.com/store/apps/details?id=mssk.new

0 မှတ်ချက်:

Post a Comment

ခုနှစ်အလိုက် ရေးသားခဲ့သော စာများကို အောက်ပါလင့်များမှာ နှိပ်၍ ရှာဖတ်ပါ

ဒီဝက်ဆိုဒ်မှာအသစ်တင်တိုင်း FB ကနေ ဖတ်နိုင်ရန် အောက်တွင် Like ကို နှိပ်ထားပါ။ Like ပေါ်တွင် အမှန်ခြစ်ရှိနေပါက ထပ်နှိပ်စရာမလိုပါ။
×
Like ပြီးလျှင် X ကိုနှိပ်ပါဖုန်းထဲကိုထည့်ဖို့ မောင်(စွယ်စုံကျမ်း) ၀က်ဆိုဒ်၏ MSSK Apk Download Click Here