ခုနှစ်အလိုက် ရေးသားခဲ့သော စာများကို အောက်ပါလင့်များမှာ နှိပ်၍ ရှာဖတ်ပါ

ကျွန်တော်နဲ့ ချုပ်ရိုးပျောက်(” မသိဘူးလေ။ ဆရာပဲ ဒူးထောင် ပေါင်ကားပြီး ထဘီကို အောက်စ သိမ်းထား ဆိုလို့ ” )



သားဖွားမီးယပ် ကုသဆောင်မှာ မီးဖွားပြီး မိခင်တွေ ဆေးရုံပေါ်က မဆင်းခင် ချုပ်ရိုးဖြေဖို့ လိုတဲ့ အခါ ဆရာဝန်တွေက ချုပ်ရိုး ဖြေပေးရ ပါတယ်။

ဥပမာ မီးဖွားစဉ် မွေးလမ်းကြောင်းကို ကပ်ကြေးနဲ့ ညှပ်ကာ ချဲ့ထားတဲ့ အခါ အဲဒီ မွေးလမ်းကြောင်းကို ချုပ်ကြိုးတွေနဲ့ ပြန်ချုပ်ပေး ရတယ် ။

တချို့ ချုပ်ကြိုးတွေက ဖြေဖို့ မလိုအပ်ပေမယ့် (တဖြည်းဖြည်း အသားထဲ ပျော်ဝင်သွားနိုင် လို့ပါ ) .. တချို့က တော့ ဖြေပေးဖို့ လိုအပ်ပါတယ်။

သည်နေ့ ဆေးရုံက ဆင်းခွင့် ရတဲ့ မိခင်တွေကို ကျွန်တော်က ချုပ်ရိုး ဖြေပေးရ ပါတယ် ။ (လုံခြုံပြီး ပိုးသတ်ထားတဲ့ အခန်းထဲ မှာပါ ။ အခန်းထဲမှာ ကျနော် ၊ သူနာပြု ဆရာမနဲ့ လူနာ စုစုပေါင်း သုံးယောက်ပဲ ရှိပါတယ်။ တခြား ချုပ်ရိုးဖြေရမယ့် လူနာတွေက အခန်းအပြင်က စောင့်နေကြရ တာပါ)

ပထမဆုံး ချုပ်ရိုးဖြေရမယ့် မိခင် တစ်ဦးကို ကုတင်ပေါ် တက်ခိုင်း လိုက်တယ်။

” ဒူးထောင် ပေါင်ကားပြီး ထဘီကို အောက်စ သိမ်းထား ”

” ရှင် ”

ကလေး မိခင်က ရှက်ရွံ့နေတဲ့ အမူအရာ နဲ့ တုန်တုန် ယီယီ ဖြစ်နေတယ် ။ ဟုတ်တော့ ဟုတ်ပါတယ်။ ကိုယ့်ရဲ့ ရှက်ရှက်ကို ပြဖို့ဆိုတာ အတော် မလွယ်တဲ့ ကိစ္စလေ။

ဒါပေမယ့် ဒါက ကျန်းမာရေး ကိစ္စလေ။ ကျန်းမာရေး ကိစ္စတွေ မှာ ရှက်လို့ မှ မရတာ။ ရှက်ကြသေး ဆို ဆရာဝန် ဆိုတဲ့ ဂုဏ်ပုဒ်ကို ဘေးချိတ်လိုက်ရင် လူပျိုဖြစ်တဲ့ ကျနော် ကတောင် ပိုရှက်ရ ဦးမယ်။

” သြော် .. ဒူးထောင် ပေါင်ကားပြီး ထဘီကို အောက်စ သိမ်းထား။ ချုပ်ရိုး ဖြေရမယ်။ အနာကျက်မှ ဆေးရုံ က ဆင်းခွင့် ရမယ်လေ ။ မရှက်နဲ့ ။ ကျန်းမာရေး ကိစ္စလေ ။ မြန်မြန်လေး။ အနောက်မှာ လူနာတွေ ကျန်သေးတယ်ဗျ ”

မိခင်က ရှက်ရွံ့နေတဲ့ အမူအရာ နဲ့ ထဘီကို ဖြည်းဖြည်းချင်း အောက်စ သိမ်းတယ်။
ကျွန်တော် လည်း လက်အိတ် ဝတ် ၊ ချုပ်ရိုးဖြေပေးဖို့ လိုအပ်တဲ့ ပစ္စည်းလေးတွေ ယူပြီး ကလေးမိခင်ရဲ့ အမျိုးသမီး အင်္ဂါ တစ်ဝိုက် ကို ကြည့်လိုက်တယ်။
အို … တော်တော်လေးကို လှပ သေသပ်တဲ့ ချုပ်ရိုးပျောက် နည်းနဲ့ ချုပ်ထားတာပဲ ။ ဒဏ်ရာကို မတွေ့ရဘူး ။

ဘယ်သူ ချုပ်ထားတာ လဲ မသိဘူး။ ကပ်ကြေးနဲ့ ညှပ်ထားတဲ့ အရေပြားကို ပုံမှန် အတိုင်းဖြစ်အောင် ပြန်ချုပ်ဖို့ဆိုတာ အတွေ့ အကြုံ တော်တော် ရှိထားမှ ဖြစ်မှာ။

အထူးကု အစ်မ ကိုယ်တိုင် များ ချုပ်ပေးထား တာလား ။ ဒဏ်ရာ အစအနကို ရှာလို့ မရဘူးဗျာ။ နောက်နေ့ကျ အစ်မကို ဒီချုပ်နည်း သင်ခိုင်းရ ဦးမယ်။
အဲ .. နေပါဦး…. ။

ချုပ်ရိုးပျောက်ဆို ချုပ်ထားတဲ့ ဒဏ်ရာကို မတွေ့ရလည်း ကြိုးစလေး ကိုတော့ တွေ့ရမှာပဲ ။
ဒီလူနာက ကြိုးစကို မတွေ့ရ ဘူး ။ ကြိုးက သူ့ဘာသာ ပြေသွားတာ များလား ။
ဒါမှမဟုတ် မွေးလမ်းကြောင်း မညှပ်ဘဲ မွေးထားတာ များလား။

” မ ……… ။ ကလေး မွေးတုန်းက မွေးလမ်းကြောင်း မညှပ်ထားရ ဘူးလား ”

” ကျွန်မက ဗိုက်ခွဲပြီး မွေးတာ ဆရာ ”

“ငင်….Sorry,တောင်းပန်ပါတယ်ဗျာ”

သေပြီ ဆရာ ။ ဒီလူနာက ဗိုက်ခွဲပြီး မွေးထားတဲ့ လူနာမို့ ချုပ်ရိုးက ဗိုက်မှာပဲ ရှိမှာပေါ့ ။

” ဟား ဟား ဟား ဟား ”

ကျွန်တော် နဲ့ သူနာပြု ဆရာမကြီးနဲ့ တစ်ယောက်ကို တစ်ယောက် ကြည့်ပြီး အားရပါးရ ရယ်မိကြတယ်။ မှားတဲ့ အခါလည်း မှားပေ မပေါ့ဗျာ။

” အဲတာကို အစ ကတည်းက ဗိုက်ခွဲပြီး မွေးထားတာ လို့ ဘာလို့ မပြောတာလဲ ” လို့
ကျနော်က မေးတော့ သူမက

” မသိဘူးလေ။ ဆရာပဲ ဒူးထောင် ပေါင်ကားပြီး ထဘီကို အောက်စ သိမ်းထား ဆိုလို့ ” တဲ့လေ။

Credit: HanSai


0 မှတ်ချက်:

Post a Comment

ဒီဝက်ဆိုဒ်မှာအသစ်တင်တိုင်း FB ကနေ ဖတ်နိုင်ရန် အောက်တွင် Like ကို နှိပ်ထားပါ။ Like ပေါ်တွင် အမှန်ခြစ်ရှိနေပါက ထပ်နှိပ်စရာမလိုပါ။
×
Like ပြီးလျှင် X ကိုနှိပ်ပါဖုန်းထဲကိုထည့်ဖို့ မောင်(စွယ်စုံကျမ်း) ၀က်ဆိုဒ်၏ MSSK Apk Download Click Here