ခုနှစ်အလိုက် ရေးသားခဲ့သော စာများကို အောက်ပါလင့်များမှာ နှိပ်၍ ရှာဖတ်ပါ

မနက်အိပ်ရာထချိန် (၁၅) မိနစ်ခန့်လမ်းလျှောက်ပေးရုံနဲ့ ရရှိနိုင်မယ့်အကျိုးကျေးဇူးများ



ကျန်းမာကြံ့ခိုင်တဲ့သူ ဖြစ်ဖို့ အတွက် နေထိုင်စားသောက်မှု ပုံစံတွေကို အထူး ဂရုစိုက်ရသလို၊ ကိုယ်လက်လှုပ်ရှား လေ့ကျင့်ခန်းကိုလည်း ပုံမှန်ပြုလုပ်သင့် ပါတယ်။ လေ့ကျင့်ခန်းလုပ်ဖို့ အချိန်သီးသန့် မပေးနိုင်ဘူးဆိုရင်တောင်မှ မနက်အိပ်ရာထချိန်တိုင်း ဆယ့်ငါးမိနစ်ခန့်တော့ လမ်းလျှောက်ဖို့ အကြံပြုချင်ပါတယ်။ တစ်နေ့ကို ဆယ့်ငါးမိနစ် လမ်းလျှောက် ပေးရုံနဲ့ ရရှိနိုင်မယ့် အကျိုးကျေးဇူးတွေကတော့ အများကြီးပါပဲ။

(၁) လန်းဆန်းတက်ကြွစေတယ်

မနက်အိပ်ရာနိုးတာနဲ့ အိပ်ရာထဲက မထွက်ဘဲ ပျင်းရိနေတာတွေ ရပ်လိုက်ပါတော့။ ဒီလိုပြုလုပ်တာက တစ်နေ့တာလန်းဆန်းတက်ကြွမှုကို အားလျော့စေပါတယ်။ ဒါ့ကြောင့် လန်းဆန်းတက်ကြွသွားစေဖို့ အိပ်ရာထတာနဲ့ (၁၅) မိနစ်လောက်ပဲ အချိန်ပေးပြီး လမ်းထလျှောက်ပါ။

(၂) စိတ်ကူးစိတ်သန်းသစ်များရရှိစေပါတယ်

လမ်းလျှောက်တဲ့အခါမှာ စိတ်က လန်းဆန်းတက်ကြွသွားတဲ့အတွက် စိတ်ကူးစိတ်သန်းအသစ်များကို ပေါ်ထွက်လာစေပါတယ်။ (၁၅) မိနစ်ခန့်လမ်းလျှောက်ပေးရုံနဲ့ စိတ်ပျော်ရွှင်မှုကိုပေးစွမ်းပြီး စိတ်ကြည်လာတဲ့အတွက် အလုပ်အတွက်၊ နေ့စဉ်လုပ်ငန်းဆောင်တာအတွက် စိတ်ကူးစိတ်သန်း သစ်များ ရရှိစေါပါတယ်။

(၃) ခွန်အားပြည့်ဝစေပါတယ်

မနက်ခင်းချိန်ခါရဲ့ နေရောင်ခြည်အနွေးဓာတ်ကလည်း ခန္ဓာကိုယ်အတွက် လိုအပ်တဲ့ အာဟာရဓာတ်လို့ ဆိုနိုင်ပါတယ်။ ဒါ့ကြောင့် မနက်အိပ်ရာထချိန်မှာ နေရောင်ခြည်အောက် ၁၅ မိနစ်ခန့် လမ်းလျှောက်ပြီး ခွန်အားများကို ရယူလိုက်ပါ။

(၄) သက်ရှည်ကျန်းမာစေပါတယ်

သက်ရှည်ကျန်းမာတဲ့ဘဝကို ရရှိဖို့အတွက် အလွယ်ကူဆုံးနည်းလမ်းကို ပေးပါဆိုရင် လမ်းလျှောက်ပါလို့ အကြံပြုပါရစေ။ တစ်နေ့ကို (၁၅) မိနစ်ခန့် လမ်းလျှောက်ပေးရုံနဲ့ ရရှိမယ့် အကျိုးကျေးဇူးတွေက ကျန်းမာရေးအတွက် များစွာအထောက်အကူပြုပါတယ်။

(၅) ငွေကုန်ကြေးကျသက်သာစေတယ်

Gym ဆော့ဖို့ ငွေကြေးကုန်ကျမခံနိုင်ဘူးဆိုရင်တော့ မနက်အိပ်ရာထချိန်မှာ ၁၅ မိနစ်လေး အချိန်ပေး လမ်းလျှောက်လိုက်ပါ။ ငွေကုန်ကြေးကျလည်း မရှိတဲ့အပြင် ကျန်းမာလှပတဲ့ ဘဝကိုလည်း ပိုင်ဆိုင်ရရှိစေပါတယ်။

(၆) နုပျိုလှပစေပါတယ်

လမ်းလျှောက်တဲ့အခါမှာ သွေးလည်ပတ်မှု ကောင်းမွန်လာပြီး ခန္ဓာကိုယ်တွင်း လုပ်ဆောင်ချက်က ပိုမိုကောင်းမွန်စေပါတယ်။ ဒါ့အပြင် ခန္ဓာကိုယ်တွင်းက အဆိပ်အတောက်များက ချွေးအဖြစ် ထွက်လာတဲ့အခါ အရွယ်မတိုင်ခင်အိုမင်းရင့်ရော်ခြင်းကို ဟန့်တားပေးနိုင်ပြီး အသားအရေ ကြည်လင်ဝင်းပ လာစေပါတယ်။

(၇) နှစ်ခြိုက်စွာအိပ်ပျော်စေပါတယ်

တစ်နေ့တာ ပင်ပန်းနွမ်းနယ်မှု ပြေပျောက်ဖို့အတွက် နှစ်နှစ်ခြိုက်ခြိုက် အိပ်စက်အနားယူသင့်ပါတယ်။ ဒါပေမယ့် ညဘက်အိပ်မရတာက သင့်ကိုပိုပြီး ပင်ပန်းနွမ်းနယ်သွားစေပါတယ်။ တစ်နေ့ကို ၁၅ မိနစ်ခန့် လမ်းလျှောက်ပေးရုံနဲ့ ညဘက်မှာ သင့်ကိုနှစ်နှစ်ခြိုက်ခြိုက် အိပ်ပျော်စေပါတယ်။


Credit: myanmaplatform


0 မှတ်ချက်:

Post a Comment

ဒီဝက်ဆိုဒ်မှာအသစ်တင်တိုင်း FB ကနေ ဖတ်နိုင်ရန် အောက်တွင် Like ကို နှိပ်ထားပါ။ Like ပေါ်တွင် အမှန်ခြစ်ရှိနေပါက ထပ်နှိပ်စရာမလိုပါ။
×
Like ပြီးလျှင် X ကိုနှိပ်ပါဖုန်းထဲကိုထည့်ဖို့ မောင်(စွယ်စုံကျမ်း) ၀က်ဆိုဒ်၏ MSSK Apk Download Click Here