ခုနှစ်အလိုက် ရေးသားခဲ့သော စာများကို အောက်ပါလင့်များမှာ နှိပ်၍ ရှာဖတ်ပါ

ဖီးအပြည့်နဲ့ သရဲကားကြည့်ပုံကြည့်နည်း အဆင့်(၇)ဆင့်



သရဲကားကြည့်ပြီဆိုတာနဲ့ ခေါင်းမြီးခြုံတဲ့ယောင်းတွေ၊ သရဲမမြင်ခင်ကတည်းက အော်ဖို့ချောင်းတဲ့ယောင်းတွေ၊ လက်ချောင်းကြားထဲက သရဲကားကြည့်တဲ့ယောင်းတို့ရေ…ဟိုဘက်လေးနည်းနည်းဖယ်ပေးပါဦး။ ဒီဆောင်းပါးကတော့ ညသန်းခေါင် (၁၂)နာရီသရဲကားထိုင်ကြည့်တောင် မဖြုံတဲ့ အာဂသတ္တိခဲယောင်းလေးတွေအတွက်မို့လို့ပါ။ ပြောရရင် သရဲကားထိုင်ကြည့်တိုင်း ကြောက်ဖို့မကောင်းလို့ ဖီးကျဲသွားသလို ခံစားနေရတဲ့ယောင်းတို့အတွက် မုအပြည့်နဲ့သရဲကား ကြည့်ပုံကြည့်နည်းအဆင့်ဆင့်ကိုမျှဝေပေးလိုက်ပါပြီ။

၁။ရုပ်ရှင်ဂရုစိုက်ရွေးပါ။

သရဲကားကြည့်တော့မယ်ဆို သရဲကားပဲရွေးပါ။ ဆိုလိုချင်တာက မိတ်ကပ်အဖာတစ်ရာနဲ့ မကြောက်ကြောက်အောင်ခြောက်မယ့် သရဲကားမျိုးဆို ယောင်းတို့ ပိုလို့တောင်စိတ်ပါမှာမဟုတ်ပါဘူး။ ကောင်း၊ မကောင်းသိချင်ရင်တော့ google ထဲကခေါက်ပြီး review လေးတွေ ကြိုသိထားပါ။ သိထားရမှာတစ်ခုကတော့ သရဲဆိုတိုင်း ရုပ်ဆိုးတာချည်းမဟုတ်ပါဘူး။ ဇာတ်လမ်းကိုဦးစားပေးရွေးပါ။

၂။ကိစ္စရှင်းထားမယ်။

ပြောရရင် အပေါ့၊ အလေးကြိုသွားထားပေါ့။ နဂိုကမှသရဲကား မကြောက်တတ်ရတဲ့အထဲ ရုပ်ရှင်ကားတစ်ဝက်လောက်ရောက်လို့ ဆီးသွားချင်လာရင် ဇာတ်လမ်းစပြတ်ပြီး ဖီးပိုကျဲတတ်လေရော။ ဒါကြောင့်မို့ သရဲကားထိုင်မကြည့်ခင် အပေါ့အပါးသွားထားပါ။ ရေအဝသောက်ထားပါ။ တတ်နိုင်ရင် ရေဘူးသယ်ထားပါ။

၃။အမှောင်ချထားပါ။

မီးချောင်းတွေအကုန်ဖွင့်ပြီး သရဲကားထိုင်ကြည့်တာက ဆားမပါတဲ့ဟင်းတစ်ခွက်လိုပါပဲ။ ပြတင်းပေါက်၊ လိုက်ကာတွေပိတ်လိုက်ပါ။ အဲကွန်းလေးကို အေးစိမ့်စိမ့်လေးဖြစ်အောင်ဖွင့်ထားလိုက်ပါ။ ဒါဆိုရင်အဆင်ပြေပါတယ်။

၎။ ဆောင်းဘောက်ချိတ်ပါ။

ဆောင်းဘောက်လေးဖွင့်ပြီး တွဲကြည့်ပါ။ ရုပ်ရှင်ရုံမှာ သရဲကားသွားကြည့်တိုင်း sound effect နဲ့ ဖြဲခြောက်သလိုမျိုး ကိုယ်တိုင်အိမ်မှာ ဆောင်းဘောက်လေးနဲ့ မုသွင်းလို့ရပါတယ်။ မရှိရင်လည်းအေးဆေးပေါ့။ အသံချဲ့ရုံပဲ။

၅။အဖော်မစပ်ပါနဲ့။

မုအပြည့်နဲ့ သရဲကားကြည့်ချင်ရင် တစ်ယောက်တည်းကြည့်ပါ။ သူငယ်ချင်းတွေနဲ့ အုပ်စုလိုက်စောင်ခြုံကွေးပြီးကြည့်တာက တကယ့်ကိုဖီးကျဲစေတဲ့ အခြေအနေပါ။ ဇာတ်လမ်းတစ်ဝက်ရောက်တာတောင် ဇာတ်ရည်မလည်သေးပဲ ထမေးတဲ့သူနဲ့၊ သရဲမလာခင်ကတည်းက တဗြဲဗြဲထအော်တဲ့သူနဲ့၊ ဇာတ်လမ်းမကြည့်ပဲ စကားထများတဲ့သူနဲ့ သရဲကားရဲ့အနှစ်သာရကို ဗြောင်းဆန်သွားစေပါတယ်။ ဒါကြောင့်ကိုယ့်ဟာကိုယ်ကြည့်ပါ။

၆။ဇာတ်လမ်းကိုသေချာအာရုံစိုက်ပါ။

သရဲကားတွေမှာ သရဲကအဓိကမကျပါဘူး။ ဇာတ်အိမ်ကသာအဓိကကျတာပါ။ ဒါကြောင့်မို့ ကြောက်ချင်ရင်တော့ ဇာတ်ရည်လည်ဖို့လိုပါတယ်။ ဇာတ်လမ်းနားမလည်ပဲ သရဲချည်းထိုင်ကြည့်တာက ညသန်းခေါင်ယံ အိပ်ချင်မူးတူးအခြေအနေမှာ ကိုယ့်ရုပ်ကိုယ်မှန်ထဲထကြည့်တာနဲ့မခြားပါဘူး။ 

၇။ကိုယ်တိုင်ဝင်သွားပါ။

တီဗီထဲဝင်သွားခိုင်းတာမဟုတ်ပါဘူး။ ရုပ်ရှင်ဇာတ်ကားထဲကိုစိတ်နစ်ပြီး ကိုယ်တိုင်ခံစားကြည့်ရှုခိုင်းတာပါ။ ပြောရရင်ကိုယ်တိုင်ရောက်သွားသလိုမျိုးပေါ့။ ကိုယ်အကြိုက်ဆုံး မင်းသားချောလေးပါတဲ့ ကိုရီးယားဇာတ်လမ်းတွဲကြည့်တဲ့အခါ ကိုယ်တိုင်ဝင်ရောက်ခံစားမိသလိုမျိုးပါ။

ကဲ…ဘယ်လိုလဲယောင်းတို့။ ဒီနည်းအဆင့်ဆင့်လိုက်နာပြီး ကြည့်လိုက်တာနဲ့ လုံးဝကြောက်ဖို့ကောင်းသွားမယ်လို့မဆိုလိုပါဘူးနော်။ ဒါပေမဲ့ အက်ဒမင်ကိုယ်တိုင်စမ်းသပ်တာတော့ ဒီနည်းအဆင့်ဆင့် ထိရောက်သင့်သလောက်ထိရောက်တာမို့ မျှဝေပေးတာပါ။

သရဲကားကြည့်ပြီး ကြောက်နိုင်ကြပါစေ ယောင်းတို့။


Credit: Christina (For Her Myanmar)


0 မှတ်ချက်:

Post a Comment

ဒီဝက်ဆိုဒ်မှာအသစ်တင်တိုင်း FB ကနေ ဖတ်နိုင်ရန် အောက်တွင် Like ကို နှိပ်ထားပါ။ Like ပေါ်တွင် အမှန်ခြစ်ရှိနေပါက ထပ်နှိပ်စရာမလိုပါ။
×
Like ပြီးလျှင် X ကိုနှိပ်ပါဖုန်းထဲကိုထည့်ဖို့ မောင်(စွယ်စုံကျမ်း) ၀က်ဆိုဒ်၏ MSSK Apk Download Click Here