ခုနှစ်အလိုက် ရေးသားခဲ့သော စာများကို အောက်ပါလင့်များမှာ နှိပ်၍ ရှာဖတ်ပါ

အမြန်လမ်းမပေါ်မှာဆိုးဆိုးရွားရွားသရဲခြောက်ခံခဲ့ရတဲ့ မေပန်းချီ



မင်းသမီးချော မေပန်းချီကတော့ သူမကြုံတွေ့ခဲ့ရတဲ့ ပရလောကအကြောင်းနဲ့ပတ်သက်ပြီး အင်တာဗျုးတစ်ခုမှာ ဖြေဆိုခဲ့ပါတယ်။ မေပန်းချီက သူမ ကလေးဘ၀ကတည်းက မြင်နေကြားနေရတယ်၊ တစ်နေရာရောက်ရင် သူမအနားမှာ မမလွတ်မကျွတ်သူတွေရှိနေပြီလားဆိုတာ သိနိုင်ကြားနိုင်တယ်၊ Tarrot ကတ်တွေ ဆွဲတဲ့အခါ သူမနောက်မှာ မကျွတ်မလွတ်သူတွေ အုံနဲ့ကျင်းနဲ့ ရှိနေသလိုခံစားရတာတွေရှိတယ်ဆိုပြီး ပြောခဲ့ပါတယ်။

မေပန်းချီက ခဏခဏ သရဲ ခြောက်ခံရတာတွေရှိခဲ့ပေမယ့် ဘ၀မှာ မှတ်မှတ်ရရနဲ့ဆိုးရွားရွား သရဲအခြောက်ခံရတာက ပရလောကသားတွေနဲ့ ပတ်သက်ပြီး နာမည်ကြီးတဲ့ အမြန်လမ်းမပေါ်မှာ ဖြစ်တယ်လို့ သိရပါတယ်။ ခြောက်ခံရတဲ့နေ့ တုန်းက သူမဟာ ရိုက်ကူးရေးရှိနေတာကြောင့် ပြင်ဦးလွင်ကို သူမရယ်၊ ကားဆရာရယ်၊ မိတ်ကပ်ဆရာ (၂)ယောက်ရယ်နဲ့ ညဘက်ကြီး ခရီးထွက်ခဲ့ပါတယ်။ အိမ်ကနေ စထွက်ကတည်းက နိမိတ်တစ်ခုပြတာခံရတယ်၊ အမြန်လမ်းမပေါ်ကို ရောက်တော့ ည(၂)နာရီထိုးရှိပြီလို့ ဆိုပါတယ်။

သူမက ကားရှေ့ခန်းမှာ အိပ်ပြီးလိုက်ခဲ့တာပဲဖြစ်ပါတယ်။ အမြန်လမ်းရဲ့ အ၀ိုင်းနေရာလည်း ရောက်ရော သူမကို ‘မေပန်းချီရေ ထကြည့်ပါအုံး’ ဆိုပြီး ဘေးကကားဆရာနဲ့ မိတ်ကပ်ဆရာတို့က လာနှိုးသလို ခံစားလိုက်ရတယ်။ သူမ မျက်လုံးဖွင့်ကြည့်လိုက်တော့ သူမပေါ်ကို အမွေမဲမဲရှည်ရှည် နာနာဘာဝကြီးတစ်ကောင် တက်ဖိထားတာတွေ့ရပေမယ့် မျက်နှာကိုတော့ သေချာမမြင်ခဲ့ရဘူးလို့ ဆိုပါတယ်။ သူမ အော်လိုက်ပေမယ့် သူမအော်သံကို ဘေးကလူတွေ တစ်ယောက်မှမကြားခဲ့ပါဘူး။ အဲ့ဒါနဲ့ သူမက ပဌာန်းတွေ၊ ဘုရားစာတွေ ရွတ်လိုက်မှ အဲဒီအကောင်ကြီးက ပြုတ်ကျသွားခဲ့တယ်လို့ ပြောပါတယ်။

သူမနိုးလာတော့ ဘေးကလူတွေ မေးကြည့်တော့မှ သူမကို ဘယ်သူမှမနိုးဘူး၊ သူမရဲ့ငြီးသံတွေတော့ ကြားတယ်လို့ဆိုပါတယ်။ နောက်တော့ သူမကြုံခဲ့တဲ့ အကြောင်းကို ပြန်ပြောတော့မှ သူမကြုံခဲ့တဲ့နေရာက E-Lite ကား မှောက်ဖူးတဲ့နေရာဖြစ်နေတာ သိလိုက်ရပြီး ဒီအဖြစ်အပျက်က သူမဘ၀ရဲ့ ကြောက်စရာအကောင်းဆုံး အဖြစ်အပျက်တစ်ခုပါ လို့ပြောပြခဲ့ပါတယ်။


Credit: May Pan Che (Sunday Journal)


0 မှတ်ချက်:

Post a Comment

ဒီဝက်ဆိုဒ်မှာအသစ်တင်တိုင်း FB ကနေ ဖတ်နိုင်ရန် အောက်တွင် Like ကို နှိပ်ထားပါ။ Like ပေါ်တွင် အမှန်ခြစ်ရှိနေပါက ထပ်နှိပ်စရာမလိုပါ။
×
Like ပြီးလျှင် X ကိုနှိပ်ပါဖုန်းထဲကိုထည့်ဖို့ မောင်(စွယ်စုံကျမ်း) ၀က်ဆိုဒ်၏ MSSK Apk Download Click Here