ငါဟာတိုက်ပွဲဝင်ကဗျာတစ်ပုဒ်
ငါခုတ်ရတဲ့ဓားဟာ
ဝေဒနာအသွားနှစ်ဖက်ရှိတယ်
ငါ့စစ်တလင်းဟာ နှင်းတွေဝေနေတုန်း။
အိပ်ရာထဲမှာချစ်သူနဲ့
အိပ်မက်ခြင်းလဲလှယ်ဝတ်ဆင်တုန်း
သူ့အဖေဆုံးတဲ့သတင်းကြား
ဂန္ဒီကြီးလည်းဖျားတာပဲ
အဖျားလွန်သက္ကရာဇ်တွေရဲ့အဆုံး
တစ်သက်လုံးအချစ်ကိုစွန့်လွှတ်ခဲ့
သရဖူမဆောင်းတဲ့အိန္ဒိယရဲ့ဘုရင်
အိန္ဒိယ-ပါကစ္စတန်မခွဲခင်
သူ့အသည်းကိုအရင်ခွဲပါဆိုခဲ့သူ
တဂိုးရဲ့မဟာလူသား
ဂန္ဒီ…..
ပြန်ပြီ…..။
ဂျိုးဇက်ဖင်းနဲ့မေရီတို့ကြား ဗျာများ
ဧကရာဇ်မဆန်စွာ ဘ၀တစ်ပါး
နပိုလီယံလည်းသွားခဲ့ပြီ..
သူတို့ဟာ..
လောကသစ်ကိုင်းဖျားကိုခါစေခဲ့
သမိုင်းမြစ်ကိုအချစ်မပါဘဲစီးေ
တိမ်တွေထဲတိုးဝင်ပျောက်ကွယ်ငှက်
လှေနံနှစ်ဘက်နင်းတယ်ဆိုမှတော့
ခြေထောက်နှစ်ဘက်ရှိလို့သာပေါ့
နှလုံးသားကတော့တစ်ခုတည်း
အလွဲတွေချစ်ရင်း
အချစ်တွေနဲ့လွဲရတဲ့ ငယ်ဘ၀စွယ်တော်ရိပ်မှာ
ငါ့စစ်တလင်းဟာ
ရှုံးနေတဲ့နှင်းတွေအပြည့်…။ ။
အောင်မှူးဝေ
0 မှတ်ချက်:
Post a Comment