နည်းနည်းစောင်းသွားတဲ့ အိပ်မက်

                                     


ပိုးထိုးပြီးသား တဝက်တပျက်ရက်စွဲတစ်ချို့ 
ဖောက်ပြန်မှုကိုမှ ထောက်ခံမှုပေးနေတယ်
သံကုန်စွဲပြေးလွှားနေတဲ့ကြား
မျှော်လင့်ချက်ခပ်တင်းတင်းကို
အလံနီပြနေရုံလောက်က
တားဆီးနိုင်မယ်ထင်တာလား...

ထုဆစ်ပြီးသားရုပ်ကြွနောက်ကွယ်
ကာရံထားနိုင်လောက်အောင်
နာမတွေရှိချင်ရှိနေနိုင်တာပဲ...
ဖြေးဖြေးကွယ်ပြီးအငွေ့ ပြယ်အောင်
ဟော့ဒီနံရံတွေမှာ ခံစားမှုတွေကပ်ထားပြီးသားပါ
စီနေရင်းပြုတ်ကျနေတဲ့ ဝါကျတွေအပေါ်
အသက်ရှုသံခပ်ပြင်းပြင်းထပ်နင်းသွားသေးတယ်...

ငါ့အနုပညာ...
တိမ်မြုပ်ပျောက်ကွယ်ရရင်တောင်
မာန်ပါပါ ဟစ်ကြွေးရင်း ကိုယ်ထူကိုယ်ထ
တစ်လမ်းလောက်တော့ဖောက်ချင်တာပေါ့...

ဂုဏ်ပကာသနာတွေရဲ့  ဆီဦးထောပတ်တွေကြား
ပဲပြုတ်နံပြားမနက်စာက
ဗိုလ်ချုပ်ရေးခဲ့စာကို သတိရပြီး
ငါ့ကိုငါ ဂုဏ်ယူနေတယ်...

အတွေးခြင်းနွေးမှာထက်
ဈေးခြင်းလေးတာကိုလိုချင်နေတော့
ငါ့တို့ လက်တွေပြည်ခဲ့ရတယ်
ဘယ်ဘဝရောက်ရောက်ပါ
ဆွဲခဲ့တဲ့ကောက်ကြောင်း
ခပ်စောင်းစောင်းတော့ ဖြစ်မသွားပါဘူး...

ငါ့ နေ့ ရက် တချို့ တချို့ ခေါင်းစဉ်တွေ
အခွံနွှာရမှာလောက် ပျင်းတာမရှိဘူး
အချစ်နဲ့ ဘဝ...
ချွန်နေရင်းတုံးတတ်တဲ့ ခဲတံတစ်ချောင်းလို
ဘာမှမရေးရင် အကောင်ဆုံးပဲ...


ငါ့ထိုင်နေကြ လမ်းဘေးကဖီး...
အတက်အဆင်းများနဲ့ လူရှုပ်ရှုပ် ဘတ်(စ်)ကားမှတ်တိုင်...
နေဝင်ချိန် ပျိုမျစ်နေဆဲတေးသွားတွေ...
အရာအားလုံး ခပ်ပြုံးပြုံးပါပဲ...

ကျဆိမ့်တစ်ခွက် ကြယ်နီဆေးပေါ့လိပ်အဆီခံတွေကြား
သတ္တုလိုမာကြောလွန်းနေ့ ရက်တွေ စားသုံးရင်းက
အသွားမတုံး နေဝင်ချိန်စောစောစေ့နိုင်တာပဲ
မင်းလို့ ဆိုရမှာထက် တခါခါ ငါတွက်ရင်းအဖြေပျောက်
ဘာကိုမှလဲ ပြန်မကောက်တော့ပါဘူး....



                                                         လေလွင့်လူ(ကမာမြေ)

3 မှတ်ချက်:

mstint said...

အမောင်ရေ တဲစုတ်မှာပဲပြုတ်စားတိုင်း အိုမားကိုသတိရပါ :P
နည်းနည်းစောင်းသွားတဲ့အိပ်မက်လေးပြန်တည့်သွားပါစေလို့နော်။
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်(အိုမား)

မေဝင်း789 said...

ကျဆိမ့်တောမကြိုက်ဘူး
ကော်ဖီ ခါးခါးပဲကြိုက်တယ်
အားပေးသွားပါတယ်

laminlwinpyin said...

လာအားပေးသွားတယ်နော့

Post a Comment

ခုနှစ်အလိုက် ရေးသားခဲ့သော စာများကို အောက်ပါလင့်များမှာ နှိပ်၍ ရှာဖတ်ပါ

ဒီဝက်ဆိုဒ်မှာအသစ်တင်တိုင်း FB ကနေ ဖတ်နိုင်ရန် အောက်တွင် Like ကို နှိပ်ထားပါ။ Like ပေါ်တွင် အမှန်ခြစ်ရှိနေပါက ထပ်နှိပ်စရာမလိုပါ။
×
Like ပြီးလျှင် X ကိုနှိပ်ပါဖုန်းထဲကိုထည့်ဖို့ မောင်(စွယ်စုံကျမ်း) ၀က်ဆိုဒ်၏ MSSK Apk Download Click Here