Sunday, September 16, 2012

အကြိုက်ဆုံးစာသားတွေနဲ့ အောင်မှုးဝေရဲ့ ကဗျာအလှတွေ.

ချစ်သူ့တောနဲ့ လွမ်းရသူ့တောင် -၁

တောနဲ့တောင်နဲ့ မောခဲ့မှောင်ခဲ့ နောင်တရခဲ့တာတွေ

တိတ်ခွေရဲ့အစကိုပြန်သွားကြည့်ရသလို

လမ်းသင့်တိုင်းလျှောမွေးလေးကို

ဗာရာဏသီချဲ့ရတယ်

စိတ်ညစ်တဲ့အခါ ညည်းကြမယ်

သံသရာဆိုတာ စီဒီခွေလိုလည်နေတာ အချစ်ရဲ့။

ဆံပင်အသစ်ကောက်တဲ့မိန်းမပေါ့ဗျ

စိတ်အသစ်လေးကိုလည်းကောက်ပစ်လိုက်ပြန်ပြီ

သူကဝတယ် ထိုင်ချလိုက်တိုင်း

စကတ်ချုပ်ရိုးတွေပြေပြေကျတတ်တယ်

အဲဒီမှာ

ကျွန်တော်မျက်စိလည်နေတဲ့တောအုပ်

(မည်းမှောင်လျက်..)

သူ့ကိုချော့ရတာဝဋ်ကြွေးတစ်ခုဆိုလည်း

အတိုးရောအရင်းပါပြေးပြေးဆပ်ချင်နေမိတယ်

သူ့ဆီကတောအုပ်မည်းမည်းလေးကိုရဖိ

ု့ကျွန်တော့်ကိုယ်ကျွန်တော်ကျွန်

ဇာတ်သွင်းမိတာ

ကျွန်တော်မိုက်လို့...။

သူကလည်း သမုဒယကို ဖြည်မချခဲ့ဘူးဆိုတဲ့အကြောင်း

နှစ်ယောက်တွဲဆောင်းနေကျထီးအပြာလေးကသိတယ်

ချစ်သူ့တောနဲ့လွမ်းရသူ့တောင်လည်းသိတယ်

သူ ပစ်ထားခဲ့တဲ့အတိုင်းပဲ

ကျွန်တော်ရှင်သန်နေဆဲပါ

အသည်းကွဲကဗျာတွေမရေးပါဘူး

အရက်မသောက်ဘူး

မငိုဘူးမရယ်ဘူး

သူကတော့ဟိုဘက်စာမျက်နှာမှာ

သူ့ထက်ဝတဲ့လူကြီးတစ်ယောက်နဲ့မင်္ဂလာဆောင်လို့

ပျော်နေမှာပဲ

ကျွန်တော့်ဘက်ကကြည့်ရင်လား

ဘာပြောကောင်းမလဲ

ယခင်စစ်တလင်း ယခုမြေပဲတောင့်တွေလှန်းထားတယ် အေးဆေးပဲ။

ဟုတ်တယ်လေ

သံသရာဆိုတာစီဒီခွေလိုလည်နေတာအချစ်ရဲ့။    ။



အောင်မှူးဝေ

၅.၈.၂၀၁၂
ချစ်သူ့တောနဲ့လွမ်းရသူတောင်-၂


ဘ၀အကြောင်းခဏခဏပြောတယ်

လက်သည်းဆိုးဆေးအသစ်တွေပေါ်တိုင်းဝယ်တယ်

သူ့မိဘအရိပ်မှာခိုနေဖို့မစဉ်းစားနဲ့ပြောတယ်

ကဗျာရေးတာအလကားပဲ ဆိုက္ကားနင်းပါလားတဲ့

ဘက်ထရီအားသွင်းတာလည်းမကိုက်ဘူး

လက်ဖက်ရည်ဆိုင်ဖွင့်ပြီးဖုန်းကဒ်ရောင်းရင်ကော

ငါတို့အချစ်တွေပိုခိုင်မြဲမလား

ဟောဒီကပဲပြုတ်လည်းမေတ္တာကမ္ဘာများဖြင့်မခြားပါဘူး

ကွမ်းစားဆေးသောက်ကျပျောက်သလောက်ပိုက်ဆံနဲ့

နိုင်ငံခြားမှာ အိပ်မက်ရောင်းဝယ်ရေးလုပ်ရမလား

(ငါ့ညီတွေကိုပြန်လာစေချင်ပြီ)

သူတို့မှာအိမ်မရှိလို့မဟုတ်ဘူး ကောင်မရဲ့

အိပ်မက်တွေမသန်လို့

အယူအဆတွေဟာ အပူကြွနေကြတယ်

ဒီနေရာမှာစကတ်အတိုနဲ့ဆောင့်ကြောင့်မထိုင်နဲ့

မီးလောင်သွားတဲ့ရှော့ပင်းန်မောလ်ဟာ

မင့်အဖေပိုင်ဆိုင်မှုတွေထဲကတစ်ခု

မိုးရေစက်တွေလိုနိမ့်ရစီးသွားတဲ့ကြင်နာမှုတွေဟာ

ကဗျာဆရာရဲ့ကြွယ်ဝမှုပေါ့ကွာ

မင်းရဲ့သုံးဖြုန်းနိုင်မှုတွေကိုငါမှတ်ထားပါတယ်

ဝေးကွာသွားပြီး၄၅မိနစ်အကြာအထိ

အသုံးအဖြုန်းကြီးသူလေးကိုငါလွမ်းနေသေးတယ်။  ။
အောင်မှူးဝေ

၅.၈.၂၀၁၂
.


1 မှတ်ချက်:

Anonymous said...

ကွမ်းစားဆေးသောက်ကျပျောက်သလောက်ပိုက်ဆံနဲ့

နိုင်ငံခြားမှာ အိပ်မက်ရောင်းဝယ်ရေးလုပ်ရမလား

(ငါ့ညီတွေကိုပြန်လာစေချင်ပြီ)

သူတို့မှာအိမ်မရှိလို့မဟုတ်ဘူး ကောင်မရဲ့

အိပ်မက်တွေမသန်လို့..............(ဒီစာသားတွေကတော့ ထိတယ်ဗျာ....ခိုက်တယ်..ကိုအောင်မှုးဝေ..ရေ)

Post a Comment

ခုနှစ်အလိုက် ရေးသားခဲ့သော စာများကို အောက်ပါလင့်များမှာ နှိပ်၍ ရှာဖတ်ပါ

ဒီဝက်ဆိုဒ်မှာအသစ်တင်တိုင်း FB ကနေ ဖတ်နိုင်ရန် အောက်တွင် Like ကို နှိပ်ထားပါ။ Like ပေါ်တွင် အမှန်ခြစ်ရှိနေပါက ထပ်နှိပ်စရာမလိုပါ။
×
Like ပြီးလျှင် X ကိုနှိပ်ပါဖုန်းထဲကိုထည့်ဖို့ မောင်(စွယ်စုံကျမ်း) ၀က်ဆိုဒ်၏ MSSK Apk Download Click Here