နှလုံးသားထဲက သခင်


အတိတ်တစ္ဆေခြောက်တဲ့စာမျက်နှာမှာ
ဆူညံနေတဲ့ မျက်ရည်တွေ
ဗလံပွနေတဲ့အဓမ္မတွေ
အတုံးအရုန်း ကျဆုံးကုန်တဲ့ ကျက်သရေခေါင်းပေါင်းတွေ ။  ။

အ၀တ်တိုတို ခမောက်ဆောင်းထားတဲ့ နတ်ဆိုးတွေက
နေကျဲကျဲတောက်နေတဲ့ ငရုတ်ခပ်ပြီးသားနွေကန္တာနဲ့
အခိုးငွေ့သာသာ ကျန်တဲ့ ခပ်ယဲ့ယဲ့တဲအိမ်တွေပေါ်မှာ ခုန်ပေါက်လို့
စာနာမှုတွေပျောက်ဆုံးကုန်တဲ့ တောအုပ်ကြီးထဲ
အငမ်းမရမျိုချလိုက်တဲ့ အမှောင်ထုရဲ့နောက်မှာ
သောက တေးသံတွေ အသံစုံမြည်နေကြတယ်။

လက်ရုံးရည် အားကိုးပြီး
အဲဒီရေစီးတွေ ခုခံခဲ့ပေမယ့်
အသားထဲက လောက်ထွက်တဲ့ ညာဉ်ဆိုးတွေ
ဇာတ်တူသားကို ပြန်စားတဲ့ ခွေးဘီလူးတွေကြောင့်
တောဟာ တောနဲ့မတူပဲ
အဆံကျွတ်သွားတဲ့ ခရုခွံကမှ ကြည့်လို့ကောင်းနေသေးတယ်။
မောင်မင်း မောင်မင်းနဲ့ လူကလေးလို့ခေါ်တဲ့ တံတွေးခွက်တွေကြားမှာ
ဒေါင်းအလံထူချင်တဲ့ မျိုးချစ်တွေ
ဆန်ရှိပေမယ့် ထမင်းမစားခဲ့ရဘူး
ရေနံရှိပေမယ့် မီးမထွန်းခဲ့ရဘူး
ရွှေရှိပေမယ့် မ၀တ်ဆင်ခဲ့ရဘူး
သစ်တောတွေ ပေါများနေပေမယ့်
ကိုယ်ပိုင်အိမ်တောင် မဆောက်နိုင်ခဲ့ဘူး
ကိုယ့်မြေမှာ ပေါက်တဲ့ သယံဇာတတွေကို
သွေးစုပ်တတ်တဲ့ မာရ်နတ်တွေ ဖျက်ဆီးနေကြပေမယ့်
မျက်လုံးမှိတ်ပြီး အံကြိတ်နေရတဲ့ ဘ၀
ပိုပြီး ၀မ်းနည်းစရာကောင်းတာက
မြန်မာအမျိုးသမီးတွေ အဓမ္မသွေးဆောင် ဖျက်စီးခံရတာပဲ။

ဝိညာဉ်တွေ အော်ဟစ်ပြီး
အရိုးစုတွေ ကျိန်ဆဲနေတဲ့ အချိန်မှာ
မြန်မာတွေ ညဉ်းညူးနေပေမယ့်
ရာဇပလ္လင်ပေါ်က ခွေးဘုရင်တွေကတော့
လက်ထဲမှာ ယမကာ နဲ့ မပျက်ခဲ့ဘူး။

နောက်တော့
ကံကြမ္မာဟာ ကံကြမ္မာရဲ့ စေရာအတိုင်း
ဝင်ရိုးစွန်းအတိုင်းလျှောက်လှမ်းနေတဲ့ နေမင်းကြီးဟာ
ကမ္ဘာကို အကြိမ်များစွာ ပတ်ပြီးတဲ့နောက်
နေတစ်စင်းက မွေးဖွားလိုက်တယ်ပဲ ပြောပြော
နတ်သိကြားက ဖန်ဆင်းလိုက်တယ်ပဲ ပြောပြော
သူက--
နှလုံးရည်ကို အသုံးပြုပြီး
မြန်မာတွေကို ကယ်တင်ခဲ့တယ်
အာရှတိုက်ထဲက ကမ္ဘာ့အသိအမှတ်ပြု
အသက်အရွယ် အငယ်ဆုံး တော်လှန်ရေးခေါင်းဆောင်
ပြောတဲ့အတိုင်းလုပ်ပြီး ရဲရင့်ပြတ်သားတဲ့သူ
အချိန်အခါကိုကြည့်ပြီး
လက်ရုံးရည် ၊ နှလုံးရည်ကို အသုံးချတတ်တဲ့သူ
မြန်မာကို ချစ်လွန်းလို့ အလုပ်လုပ်နေပေမယ့်
အယောင်အဆောင်ကို မတွယ်တာတဲ့သူ
သူ့အကြောင်းကို ဆက်ပြောရရင်
ခင်ဗျားတို့ဦးနှောက်တွေ အရည်ပျော်သွားလိမ့်မယ်။
မသမာသူတွေ ပျော်မြူးနေတဲ့အချိန်မှာ
အဲဒီမသမာသူတွေရဲ့ စနက်ကြောင့်
ငါတို့ရဲ့ သခင်
ငါတို့ရဲ့ ဗိုလ်ချုပ်
ငါတို့ရဲ့ ဖခင်ကြီး
အခိုးအငွေ့တွေအဖြစ်ပြောင်းလဲသွားခဲ့တာ
သခင်ကိုယ်တော်မှိုင်းပြောသလို
ငါလည်း
ဒေါင်းအလံကို ပ၀ါအုပ်ပြီး သခင့်ကို သဂြီ င်္ုလ်ချင်တာပေါ့။

မြေကြီးပေါ်မှာ သခင်မရှိတော့ပေမယ့်
ပြည်သူတွေရဲ့ နှလုံးသားထဲမှာ သခင်အသက်ရှင်နေသေးတယ်။
ဟုတ်တယ်
သခင်အောင်ဆန်း အထင်အရှားရှိနေသေးတယ်။

လေးစားစွာဖြင့် ---------

မိန်နွေ--


.


0 မှတ်ချက်:

Post a Comment

ခုနှစ်အလိုက် ရေးသားခဲ့သော စာများကို အောက်ပါလင့်များမှာ နှိပ်၍ ရှာဖတ်ပါ

ဒီဝက်ဆိုဒ်မှာအသစ်တင်တိုင်း FB ကနေ ဖတ်နိုင်ရန် အောက်တွင် Like ကို နှိပ်ထားပါ။ Like ပေါ်တွင် အမှန်ခြစ်ရှိနေပါက ထပ်နှိပ်စရာမလိုပါ။
×
Like ပြီးလျှင် X ကိုနှိပ်ပါဖုန်းထဲကိုထည့်ဖို့ မောင်(စွယ်စုံကျမ်း) ၀က်ဆိုဒ်၏ MSSK Apk Download Click Here