ခုနှစ်အလိုက် ရေးသားခဲ့သော စာများကို အောက်ပါလင့်များမှာ နှိပ်၍ ရှာဖတ်ပါ

မေးလိုက်ချင်တယ်




အဲဒီကောင်ကို မြူဆွယ်ဖို့
ဖာဆန်ဆန် အပြုံးတွေ
မင်း ဘယ်လောက်သုံးလိုက်ရသေးလဲ။

မင်းရဲ့ ကတ္တီပါကျော့ကွင်းမှာ
သူ စင်းစင်းကြီး မိ တုန်းက
ငါ့လိုငပေါပြုံးကြီး ပြုံးနေသေးလား။

ရပ်ဝေးမြေခြားမှာ
အတူနေဖို့ ကုန်းရုန်းပြီး
နွားကျခံနေတဲ့ငါ့ကိုမေ့ထားပြီး
“ညီမမှာ ချစ်သူ မရှိပါဘူး” လို့
ဘယ်လိုမျက်နှာထားနဲ့ မင်းလိမ်ခဲ့သလဲ။

“ရှင့်ကို မယူနိုင်တော့ဘူး”
“သူ့ကို တကယ် ချစ်မိသွားပြီ”
နောက်ကျောက ထိုးတာပဲကွယ်
တစ်ချက်ဆိုလုံလောက်ပါတယ်
အခုတော့
ချက်ကောင်းတည့်တည့်ကို နှစ်ချက်။

နည်းနည်းလေး ယုံကြည်ပေးပါ…..ဆို
ငါ့သံသယမှန်ကြောင်း ပြတဲ့နည်းက
ကြမ်းလှချည်ရဲ့
ဒါနဲ့တောင်
ဘယ်လို မျက်နှာပြောင်ရမှန်းမသိလို့
ကျလာတဲ့ မျက်ရည်တစ်စက်
ငါ့အတွက်လို့
ဇွတ်ယုံနေမိသေးတယ်။

အချစ်ဆိုတာ
သစ္စာကို အုတ်ရိုးခံပြီးမှ
ဆောက်ရတဲ့အိမ်ပါ
သူတပါး မျက်ရည်နဲ့ ဆောက်တဲ့ အိမ်မှာ
အဲဒီကောင်ပျော်တာလည်း ဆန်းတယ်။

နင့်လူကို
လမ်းကြုံရင်တော့ မေးကြည့်ချင်တယ်
“သူတပါးကို သစ္စာဖောက်ပြီး
ကိုယ့်ဆီရောက်လာတဲ့ မိန်းမတစ်ယောက်ဆီက
ဘာများမျှော်လင့်ထားပါသလဲ”…..လို့။

Credit to သက္ကမိုးညို ကဗျာ


0 မှတ်ချက်:

Post a Comment

ဒီဝက်ဆိုဒ်မှာအသစ်တင်တိုင်း FB ကနေ ဖတ်နိုင်ရန် အောက်တွင် Like ကို နှိပ်ထားပါ။ Like ပေါ်တွင် အမှန်ခြစ်ရှိနေပါက ထပ်နှိပ်စရာမလိုပါ။
×
Like ပြီးလျှင် X ကိုနှိပ်ပါဖုန်းထဲကိုထည့်ဖို့ မောင်(စွယ်စုံကျမ်း) ၀က်ဆိုဒ်၏ MSSK Apk Download Click Here